‘മിന്നല് മുരളി’ സിനിമയുടെ സെറ്റ് തകര്ത്ത കേസിലെ മുഖ്യപ്രതിയായ മലയാറ്റൂര് ചെത്തിക്കാട്ട് വീട്ടില് രതീഷിനെ കാപ്പ ചുമത്തി ജയിലിലടച്ചു. എറണാകുളം റൂറല്, കൊല്ലം, തൃശൂര്, മലപ്പുറം ജില്ലകളില് രതീഷ് പതിമൂന്നോളം കേസുകളില് പ്രതിയാണ് ഇയാള്. ജില്ലാ പൊലീസ് മേധാവി കെ കാര്ത്തിക്കിന്റെ റിപ്പോര്ട്ടിന്റെ അടിസ്ഥാനത്തിലാണ് നടപടി സ്വീകരിച്ചിരിക്കുന്നത്.
കാലടി സനല് വധക്കേസില് ജാമ്യം ലഭിച്ച് ജയില് മോചിതനായ ശേഷം മണപ്പുറത്ത് ‘മിന്നല് മുരളി’യുടെ സിനിമാ സെറ്റ് തകര്ത്ത സംഭവത്തില് ഒന്നാം പ്രതീയാണ് രതീഷ്. 2020 ല് ഗുണ്ട നിയമപ്രകാരം നടപടി സ്വീകരിച്ചിരുക്കുകയും ചെയ്തിരുന്നു. തുടര്ന്ന് കഴിഞ്ഞ ജനുവരിയിലാണ് കാലടി പൊലീസ് സ്റ്റേഷനില് രജിസ്റ്റര് ചെയ്ത കേസില് പ്രതിയായതിനെ തുടര്ന്നാണ് വീണ്ടും കാപ്പ ചുമത്തി ജയിലിലടക്കാന് തീരുമാനിച്ചത്.
ഓപ്പറേഷന് ഡാര്ക്ക് ഹണ്ടിന്റെ ഭാഗമായി ഇതുവരെ കാപ്പ നിയമപ്രകാരം 42 പേരെയാണ് ജയിലിലടച്ചിട്ടുള്ളത്. 31 പേരെ നാടു കടത്തിയിട്ടുമുണ്ട്.