മലയാളി പ്രേക്ഷകരെ ഏറെ ചിരിപ്പിച്ച ചിത്രമായിരുന്നു “ആട്” സീരിസ്. മിഥുന്‍ മാനുവല്‍ തോമസ് സംവിധാനെ ചെയ്ത ആദ്യ രണ്ട് ഭാഗങ്ങള്‍ക്ക് ശേഷം ആരാധകരെ ആവേശത്തിലാഴ്ത്തി മൂന്നാം ഭാഗം ഔദ്യോഗികമായി പ്രഖ്യാപിച്ചിരിക്കുകയാണ് മിഥുന്‍ മാനുവല്‍ തോമസ്.
ഫെയ്‌സ്ബുക്ക് പോസ്റ്റിലൂടെയാണ് സംവിധായകന്‍ ഇക്കാര്യം അറിയിച്ചിരിക്കുന്നത്. ആട് മൂന്നാം ഭാഗം ചെയ്യുന്നതായും ഇത്തവണ ത്രീഡിയില്‍ ആയിരിക്കും ഒരുക്കുക എന്നാണ് സംവിധായകന്‍ നേരത്തെ അറിയിച്ചിരുന്നത്. വിജയ് ബാബു തന്നെയാണ് ആട് 3യും ഒരുക്കുന്നത്. ഷാന്‍ റഹ്മാന്‍ ആണ് സംഗീതം.
ഹിറ്റ് ചേരുവകളില്‍ മാറ്റമൊന്നുമില്ലാതെയാണ് ആടിന്റെ മൂന്നാം ഭാഗവും തയ്യാറാക്കുന്നത്. ഷാജി പാപ്പനായി ജയസൂര്യയും ഡ്യൂഡായി വിനായകനും അറക്കല്‍ അബുവായി സൈജു കുറുപ്പും വീണ്ടുമെത്തുന്നതിനായി കാത്തിരിക്കുകയാണ് ആരാധകര്‍.