കുഞ്ഞനുജത്തി മഹാലക്ഷ്മിക്ക് പിറന്നാള് ഉമ്മകള് നല്കി മീനാക്ഷി ദിലീപ്. ഒരു വയസ് കൂടി പിന്നിട്ടിരിക്കുന്നു എന്നാണ് മഹാലക്ഷ്മിയുടെ ചിത്രം പങ്കുവച്ച് മീനാക്ഷി കുറിച്ചത്. മഹാലക്ഷ്മിക്ക് സ്നേഹ ചുംബനം നല്കുന്ന ചിത്രമാണ് മീനാക്ഷി ഇന്സ്റ്റഗ്രാമില് പങ്കുവച്ചിരിക്കുന്നത്.
2018 ഒക്ടോബര് 19-നായിരുന്നു മഹാലക്ഷ്മി ജനനം. വിജയദശമി ദിനത്തില് ജനിച്ചത് കൊണ്ടാണ് മഹാലക്ഷ്മി എന്ന പേര് നല്കിയത്. സോഷ്യല് മീഡിയയില് സജീവമല്ലെങ്കിലും മീനാക്ഷിയുടെയും മഹാലക്ഷമിയുടെയും വിശേഷങ്ങള് ആരാധകര് ഏറ്റെടുക്കാറുണ്ട്.
ദിലീപിനും കാവ്യയ്ക്കുമൊപ്പം പൊതു പരിപാടികളില് എത്തുന്ന ഇവരുടെ വീഡിയോയും വൈറലാകാറുണ്ട്. മഹാലക്ഷ്മി മഹാകുസൃതിയാണ് എന്നാണ് ദിലീപ് പറഞ്ഞിട്ടുള്ളത്. ആര് ട്രാവല് ചെയ്യാന് പോകുന്നത് കണ്ടാലും അവളുടെ ബാഗ് എടുത്ത് വച്ച് ഉടനെ വണ്ടിയില് കയറും.
താന് മൈന്ഡ് ചെയ്യാതെ പോയപ്പോള് ‘അച്ഛാ പോകല്ലേ, എടാ കള്ളാ പോകല്ലേ’ എന്ന് വിളിച്ചു വരുന്നുണ്ടായിരുന്നു എന്നാണ് ദിലീപ് പറഞ്ഞത്. അതുപോലെ തന്നെ മീനാക്ഷിയുടെ സിനിമാ അരങ്ങേറ്റത്തെ കുറിച്ചും നടന് പറഞ്ഞിരുന്നു. എംബിബിഎസ് ചെയ്യുന്ന അവള്ക്ക് ഡോക്ടര് ആകാനാണ് താല്പര്യം എന്നാണ് ദിലീപ് പറഞ്ഞത്.