ദിലീപിന്റെ മകള് മീനാക്ഷിയും സംവിധായകന് അല്ഫോന്സ് പുത്രന്റെ ഭാര്യ അലീനയും തകര്ത്താടിയ ഡാന്സ് വീഡിയോ വൈറലാകുന്നു. സോഷ്യല് മീഡിയയില് തരംഗമായ ‘രാഞ്ജന’ എന്ന ഹിന്ദി ഗാനവും ‘വളയപ്പട്ടി’ എന്ന തമിഴ് ഗാനവും കോര്ത്തിണക്കിയുള്ള റീമിക്സിനൊപ്പമാണ് ഇരുവരുടെയും പ്രകടനം.
അല്ഫോന്സ് പുത്രനാണ് നൃത്ത വിഡിയോയുടെ എഡിറ്റിംഗ് നിര്വ്വഹിച്ചത്. ഐശ്വര്യ അശോക് രംഗങ്ങള് ചിത്രീകരിച്ചു. നിരവധി കമന്റുകളാണ് വീഡിയോക്ക് ലഭിച്ചു കൊണ്ടിരിക്കുന്നത്. നേരത്തെയും നൃത്ത വീഡിയോകളിലൂടെ മീനാക്ഷി ശ്രദ്ധ നേടിയിരുന്നു.
ബാല്യകാല സുഹൃത്തും നാദിര്ഷയുടെ മകളുമായ ആയിഷയുടെ വിവാഹ സല്ക്കാരത്തിന് മീനാക്ഷിയും നമിത പ്രമോദും ചേര്ന്നവതരിപ്പിച്ച നൃത്തം വൈറലായിരുന്നു. അച്ഛനും അമ്മയും സിനിമാ മേഖലയില് സജീവമായി നില്ക്കുമ്പോഴും അഭിനയത്തോട് മീനാക്ഷിക്ക് അത്ര പ്രിയമില്ല.
പക്ഷേ, ഡാന്സില് അമ്മ മഞ്ജു വാര്യരുടെ കഴിവുകള് താരപുത്രിക്ക് ലഭിച്ചിട്ടുണ്ട്. ചെന്നൈയില് എംബിബിഎസ് പൂര്ത്തിയാക്കിയ മീനാക്ഷി ഇപ്പോള് ഹൗസ് സര്ജന്സി ചെയ്യുകയാണ്. അതേസമയം, അലീനയും നൃത്തരംഗത്ത് സജീവമാണ്. അടുത്തിടെ നസ്രിയയ്ക്കൊപ്പം ചുവടുവച്ചതിന്റെ വീഡിയോ ഏറെ ശ്രദ്ധിക്കപ്പെട്ടിരുന്നു.