“ഫൊറന്സിക്” ചിത്രത്തിന് പിന്നാലെ മറ്റൊരു സസ്പെന്സ് ക്രൈം ത്രില്ലറുമായി മംമ്ത മോഹന്ദാസ്. മംമ്ത കേന്ദ്ര കഥാപാത്രമാകുന്ന “ലാല്ബാഗ്” ട്രെയ്ലര് സോഷ്യല് മീഡിയയില് ട്രെന്ഡിംഗാകുന്നു. പ്രശാന്ത് മുരളി പത്മനാഭന് രചനയും സംവിധാനം നിര്വഹിക്കുന്ന “ലാല്ബാഗ്” മലയാളത്തിനു പുറമെ അന്യഭാഷകളിലും റിലീസിനെത്തുന്നുണ്ട്.
പൂര്ണമായും ബംഗ്ലൂരുവില് ചിത്രീകരിച്ച സിനിമ മുന്നോട്ട് വയ്ക്കുന്നത് നാഗരിക ജീവിതം സ്ത്രീ പുരുഷ ബന്ധങ്ങളില് ഉണ്ടാക്കുന്ന സങ്കീര്ണ്ണതകള് എന്നിവയാണ്. ബംഗ്ലൂരുവില് ജോലി ചെയ്യുന്ന മലയാളി നഴ്സ് ആയാണ് മംമ്ത വേഷമിടുന്നത്. ത്രില്ലര് സ്വഭാവമുള്ള കുടുംബചിത്രം എന്ന സൂചനയാണ് ട്രെയിലര് നല്കുന്നത്.
രാഹുല് മാധവ്, സിജോയ് വര്ഗീസ്, നേഹ സക്സേന, നന്ദിനി റായ്, രാഹുല് ദേവ് ഷെട്ടി തുടങ്ങിയവര് മറ്റു കഥാപാത്രങ്ങളെ അവതരിപ്പിക്കുന്നു. സംഗീതം രാഹുല് രാജ്. ഛായാഗ്രഹണം ആന്റണി ജോ. സെലിബ്സ് ആന്ഡ് റെഡ്കാര്പെറ്റ് ഫിലിംസിന്റെ ബാനറില് രാജ് സഖറിയാസ് ആണ് നിര്മാണം.