മമ്മൂട്ടി കമ്പനി ഒരുക്കുന്ന മൂന്നാം ചിത്രത്തിന്റെ പേര് പുറത്തുവിട്ടു. ‘കാതല്’ എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് ജിയോ ബേബിയാണ്. തെന്നിന്ത്യന് നടി ജ്യോതികയാണ് ചിത്രത്തില് നായികയാകുന്നത്.
ജ്യോതികയ്ക്ക് പിറന്നാള് ആശംസകളുമായാണ് സിനിമയുടെ പ്രഖ്യാപനമെത്തിയിരിക്കുന്നത്. മമ്മൂട്ടിക്കൊപ്പമുള്ള ജ്യോതികയുടെ ആദ്യ ചിത്രമാണിത്. പതിമൂന്ന് വര്ഷങ്ങള്ക്ക് ശേഷമാണ് നടി മലയാളത്തിലേക്ക് മടങ്ങിയെത്തുന്നത്. 2009ല് റിലീസ് ചെയ്ത ‘സീതാകല്യാണം’ ആണ് നടിയുടെ ഒടുവില് റിലീസ് ചെയ്ത മലയാളം ചിത്രം.
ജിയോ ബേബി സംവിധാനം ചെയ്യുന്ന എഴാമത്തെ ചിത്രമാണ് കാതല്. ദുല്ഖര് സല്മാന്റെ വേഫെറെര് ഫിലിംസ് ആണ് ചിത്രത്തിന്റെ വിതരണം നിര്വഹിക്കുന്നത്.
ആദര്ശ് സുകുമാരനും പോള്സണ് സ്കറിയയുമാണ് കാതലിന് തിരക്കഥ ഒരുക്കുന്നത്.
സാലു കെ തോമസ് ചിത്രത്തിനായി ഛായാഗ്രഹണം നിര്വഹിക്കുന്നത്. എഡിറ്റിംഗ്: ഫ്രാന്സിസ് ലൂയിസ്, സംഗീതം: മാത്യൂസ് പുളിക്കന്, കലാസംവിധാനം: ഷാജി നടുവില് എന്നിവരാണ് മറ്റ് അണിയറ പ്രവര്ത്തകര്.