മമ്മൂട്ടിയെ നായകനാക്കി റോബി വര്ഗീസ് രാജ് സംവിധാനം ചെയ്യുന്ന സിനിമയുടെ പൂജയും സ്വിച്ച്ഓണ് കര്മവും പാലായില് നടന്നു. നന്പകല് നേരത്ത് മയക്കം, റോഷാക്ക്, കാതല് എന്നീ ചിത്രങ്ങള്ക്ക് ശേഷം മമ്മൂട്ടിക്കമ്പനി നിര്മിക്കുന്ന ചിത്രമാണിത്.
എസ്. ജോര്ജാണ് ചിത്രത്തിന്റെ എക്സിക്യൂട്ടീവ് പ്രൊഡ്യൂസര്. മുഹമ്മദ് ഷാഫിയുടേതാണ് ചിത്രത്തിന്റെ കഥ. അദ്ദേഹത്തിനോടൊപ്പം ചേര്ന്ന് തിരക്കഥ ഒരുക്കിയിരിക്കുന്നത് നടന് റോണി ഡേവിഡ് രാജാണ്.
ഗ്രേറ്റ് ഫാദര്, പുതിയ നിയമം തുടങ്ങിയ മമ്മൂട്ടി ചിത്രങ്ങളുടെ ഛായാഗ്രഹനായിരുന്ന റോബി ആദ്യമായി സംവിധാനം ചെയ്യുന്ന ചിത്രം കൂടിയാണിത്. മമ്മൂട്ടി ജനുവരി ഒന്നിന് ചിത്രത്തില് ജോയിന് ചെയ്യും. കുറ്റാന്വേഷണ ത്രില്ലര് ഗണത്തില്പെടുന്ന ചിത്രത്തില് പൊലീസ് വേഷത്തില് മമ്മൂട്ടി എത്തുന്നു.
മുഹമ്മദ് റാഹിലാണ് ഛായാഗ്രാഹണം. ചിത്രത്തിന്റെ സംഗീതം ഒരുക്കുന്നത് സുഷിന് ശ്യാമും എഡിറ്റര് പ്രവീണ് പ്രഭാകറുമാണ്. ദുല്ഖര് സല്മാന്റെ ഉടമസ്ഥതയിലുള്ള വേഫേയര് ഫിലിംസ് ആണ് ചിത്രം കേരളത്തില് വിതരണം നിര്വഹിക്കുന്നത്. പാലാ, കൊച്ചി, കണ്ണൂര്, വയനാട്,അതിരംപള്ളി, പൂനെ, മുംബൈ എന്നീ സ്ഥലങ്ങളാണ് പ്രധാന ലൊക്കേഷന്സ്.