ലോകത്തെ വിഖ്യാത ചലചിത്രമേളകളില്‍ ഒന്നായ റോട്ടര്‍ഡാമില്‍ മമ്മൂട്ടിയുടെ തമിഴ് ചിത്രം പേരന്‍പ് പ്രദര്‍ശിപ്പിച്ചതും നിറഞ്ഞ കൈയ്യടികളോടെ സദസ്സ് ചിത്രത്തെ വരവേറ്റതും വലിയ വാര്‍ത്തയായിരുന്നു. ഇപ്പോഴിതാ ഇന്ത്യന്‍ സിനിമയ്ക്ക് അഭിമാനിയ്ക്കാവുന്ന ഒരു നേട്ടം കൊയ്തിരിക്കുകയാണ് ഈ ചിത്രം.
റോട്ടര്‍ ഡാം ഫിലിം ഫെസ്റ്റിവലിന്റെ ഓഡിയന്‍സ് അവാര്‍ഡ് ലിസ്റ്റില്‍ 17 ാം സ്ഥാനത്ത് എത്തിയിരിക്കുകയാണ് റാം സംവിധാനം ചെയ്ത് മമ്മൂട്ടി പ്രധാനവേഷത്തിലെത്തിയ പേരന്‍പ്. റെസറക്ഷന്‍ എന്ന ടൈറ്റിലില്‍ മേളയിലെത്തിയ ചിത്രം 4,324 വോട്ടുകള്‍ നേടിയാണ് 17 ാം സ്ഥാനത്തെത്തിയിരിക്കുന്നത്.
https://www.facebook.com/PeranbuMovie/posts/2012251109035060
ആകെ 143 ചിത്രങ്ങളാണ് ലിസ്റ്റിലുള്ളത്. ഫെബ്രുവരി 4 നാണ് ഓഡിയന്‍സ് അവാര്‍ഡ് നേടിയ ചിത്രം പ്രഖ്യാപിക്കുക. 10,000 യൂറോയാണ് സമ്മാനത്തുക. ടാക്സി ഡ്രൈവറുടെ വേഷത്തിലാണ് മമ്മൂട്ടി ചിത്രത്തിലെത്തുന്നത്. സിദ്ദിഖ്, സുരാജ് വെഞ്ഞാറമൂട്,അഞ്ജലി അമീര്‍, അഞ്ജലി, സമുദ്രക്കനി എന്നിവരാണ് മറ്റു പ്രധാനകഥാപാത്രങ്ങളെ അവതരിപ്പിക്കുന്നത്. യുവാന്‍ ശങ്കര്‍രാജയുടേതാണ് സംഗീതം.