കോവിഡ് തളര്‍ത്തിയ സിനിമാലോകം സജീവമായതോടെ നീണ്ട പത്തു മാസങ്ങള്‍ക്ക് ശേഷം സിനിമ സെറ്റില്‍ എത്തി മമ്മൂട്ടി. കേരളാ മുഖ്യമന്ത്രിയായി വേഷമിടുന്ന “വണ്‍” ചിത്രത്തിന്റെ സെറ്റിലാണ് താരം എത്തിയത്. ചിത്രത്തിന്റെ അവസാന ഘട്ട ഷൂട്ടിംഗിനായാണ് മമ്മൂട്ടി എത്തിയത്.
റേഞ്ച് റോവറില്‍ എത്തിയ താരത്തിന്റെ കൂള്‍ ലുക്കാണ് വൈറലാകുന്നത്. നീട്ടി വളര്‍ത്തിയ മുടി കെട്ടിവെച്ച് കൂളിംഗ് ഗ്ലാസ് ധരിച്ചാണ് താരം സെറ്റിലെത്തിയത്. മമ്മൂട്ടി കാറില്‍ നിന്നും ഇറങ്ങുന്ന ദൃശ്യമാണ് സോഷ്യല്‍ മീഡിയയില്‍ വൈറലായിരിക്കുന്നത്.
സന്തോഷ് വിശ്വനാഥ് സംവിധാനം ചെയ്യുന്ന ചിത്രത്തില്‍ കടയ്ക്കല്‍ ചന്ദ്രന്‍ എന്ന കഥാപാത്രമായാണ് മമ്മൂട്ടി വണ്ണില്‍ വേഷമിടുന്നത്. ബോബി-സഞ്ജയ് ടീം തിരക്കഥ ഒരുക്കുന്ന ചിത്രം ഇച്ചായിസ് പ്രൊഡക്ഷന്‍സ് ആണ് നിര്‍മ്മിക്കുന്നത്. ആര്‍. വൈദി സോമസുന്ദരം ഛായാഗ്രഹണവും ഗോപി സുന്ദര്‍ സംഗീതവും ഒരുക്കുന്നു.
ജോജു ജോര്‍ജ്, മുരളി ഗോപി, സുദേവ് നായര്‍, ഗായത്രി അരുണ്‍, ബാലചന്ദ്രമേനോന്‍, അലന്‍സിയര്‍, സുരേഷ് കൃഷ്ണ, സുദേവ് നായര്‍, മാത്യു തോമസ്, സുധീര്‍ കരമന, സംവിധായകന്‍ രഞ്ജിത്ത്, മാമുക്കോയ, ശ്യമ പ്രസാദ്, ജയകൃഷ്ണന്‍, രശ്മി ബോബന്‍, അര്‍ച്ചന മനോജ് തുടങ്ങിയവരാണ് വണ്ണിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.