രമേഷ് പിഷാരടിയുടെ സംവിധാനത്തില് തിയേറ്ററുകളിലെത്തിയ മമ്മൂട്ടി ചിത്രം ഗാനഗന്ധര്വ്വന് മികച്ച പ്രതികരണങ്ങള് നേടി രണ്ടാം വാരവും പ്രദര്ശനം തുടരുകയാണ്. ചിത്രത്തിനൊപ്പം മമ്മൂട്ടിയുടെ കഥാപാത്രം കലാസദന് ഉല്ലാസിനും മികച്ച അഭിപ്രായമാണ് ലഭിക്കുന്നത്. ഇപ്പോഴിതാ ചിത്രത്തിന്റെ മേക്കിംഗ് വീഡിയോ പുറത്തു വിട്ടിരിക്കുകയാണ് അണിയറ പ്രവര്ത്തകര്. മമ്മൂട്ടിയാണ് തന്റെ ഫെയ്സ്ബുക്ക് പേജിലൂടെ മേക്കിംഗ് വീഡിയോ റിലീസ് ചെയ്തത്.
രമേശ് പിഷാരടി ഒരുക്കിയ ചിത്രം കുടുംബ പശ്ചാത്തലത്തില് ഗൗരവകരമായ ഒരു കഥയാണ് പറയുന്നത്. ഗാനമേള പാട്ടുകാരനായ കലാസദന് ഉല്ലാസായി മമ്മൂട്ടി വേഷമിടുന്ന ചിത്രത്തില് പുതുമുഖം വന്ദിതയാണ് നായിക. രമേശ് പിഷാരടിയും ഹരി പി നായരും ചേര്ന്നാണ് കഥ, തിരക്കഥ, സംഭാഷണം ഒരുക്കിയിരിക്കുന്നത്.
മുകേഷ്, ഇന്നസെന്റ്, സിദ്ദീഖ്, സലിം കുമാര്, ധര്മജന് ബോള്ഗാട്ടി,ഹരീഷ് കണാരന്, മനോജ് .കെ .ജയന്, സുരേഷ് കൃഷ്ണ, മണിയന് പിള്ള രാജു, കുഞ്ചന്, അശോകന്, സുനില് സുഖദ, അതുല്യ, ശാന്തി പ്രിയ തുടങ്ങിയവര് പ്രധാന വേഷങ്ങളില് എത്തുന്നു. ഛായാഗ്രഹണം അഴകപ്പന്. സംഗീതം ദീപക് ദേവ്. എഡിറ്റിംഗ് ലിജോ പോള്.