റിലീസ് ചെയ്ത് മൂന്നാം ദിവസം മമ്മൂട്ടി ചിത്രം മാമാങ്കത്തിന്റെ വ്യാജപതിപ്പ് ഇന്റര്നെറ്റില് പ്രചരിച്ചിരുന്നു. മാമാങ്കത്തിന്റെ തിയേറ്റര് പ്രിന്റാണ് ഇന്റര്നെറ്റില് പ്രചരിക്കുന്നത്. സംഭവത്തില് പൊലീസ് കേസെടുത്തു.
ഈ മാസം 12നാണ് മാമാങ്കം തിയേറ്ററുകളില് എത്തിയത്. 45 രാജ്യങ്ങളില് രണ്ടായിരത്തിലധികം സ്ക്രീനുകളിലാണ് ചിത്രം റിലീസ് ചെയ്തത്. വിദേശ രാജ്യത്തെ തിയേറ്ററില് നിന്നുള്ള പ്രിന്റാണ് പ്രചരിക്കുന്നത് എന്നാണ് സൂചന. വിദേശത്ത് നിന്നാണ് ഇത് ഇന്റര്നെറ്റില് അപ്ലോഡ് ചെയ്തിരിക്കുന്നതെന്ന് കണ്ടെത്തിയിട്ടുണ്ട്. സംഭവത്തെക്കുറിച്ച് അന്വേഷണം തുടങ്ങി.
എം പത്മകുമാര് സംവിധാനം ചെയ്യുന്ന ചിത്രം നിര്മ്മിച്ചിരിക്കുന്നത് കാവ്യ ഫിലിംസിന്റെ ബാനറില് വേണു കുന്നപ്പിള്ളിയാണ്. മനോജ് പിള്ളയാണ് ഛായാഗ്രഹണം.