നിവിന് പോളിയും ആസിഫ് അലിയും നായകന്മാരായെത്തുന്ന പുതിയ ചിത്രം മഹാവീര്യര് ടീസര് സൂപ്പര്ഹിറ്റ്. ഇരുപത്തി നാല് മണിക്കൂറിനിടെ ഏഴ് മില്ല്യണോളം ആളുകള് ടീസര് കണ്ടിട്ടുണ്ട്.
മഹര്ഷിയായി നിവിന് പോളിയും രാജാവായി ആസിഫ് അലിയുമാണ് ചിത്രത്തിലെത്തുന്നത്. മോളിവുഡിന്റെ ചരിത്രത്തില് ആദ്യമായി ടൈം ട്രാവല് ഫാന്റസി ചിത്രത്തിനായി കാത്തിരിക്കുന്നു എന്നാണ് പ്രേക്ഷകരുടെ പ്രതികരണം.
നര്മ്മ, വൈകാരിക മുഹൂര്ത്തങ്ങള്ക്കും പ്രാധാന്യം നല്കുന്ന ചിത്രമാണിത്. ഏറെ കൗതുകം നിറഞ്ഞ ദൃശ്യങ്ങളാണ് ടീസര് കാണിക്കുന്നത്. പ്രശസ്ത എഴുത്തുകാരന് എം മുകുന്ദന്റെ കഥയെ ആസ്പദമാക്കിയാണ് എബ്രിഡ് ഷൈന് തിരക്കഥയൊരുക്കിയിരിക്കുന്നത്. പോളി ജൂനിയര് പിക്ചേഴ്സ്, ഇന്ത്യന് മൂവി മേക്കര്സ് എന്നീ ബാനറുകളില് നിവിന് പോളി, പി എസ് ഷംനാസ് എന്നിവര് ചേര്ന്നാണ് നിര്മ്മാണം. ലാല്, ലാലു അലക്സ്, സിദ്ദിഖ്, ഷാന്വി ശ്രീവാസ്തവ, വിജയ് മേനോന്, മേജര് രവി, മല്ലിക സുകുമാരന്, സുധീര് കരമന, കൃഷ്ണ പ്രസാദ്, പദ്മരാജ് രതീഷ്, സുധീര് പറവൂര്, കലാഭവന് പ്രജോദ്, പ്രമോദ് വെളിയനാട്, ഷൈലജ പി അമ്പു തുടങ്ങിയവര് മുഖ്യ വേഷങ്ങളിലെത്തുന്നു. 1983, ആക്ഷന് ഹീറോ ബിജു എന്നീ സൂപ്പര്ഹിറ്റ് ചിത്രങ്ങള്ക്ക് ശേഷം മൂന്നാം തവണ നിവിന് പോളിയും എബ്രിഡ് ഷൈനും ഒന്നിക്കുന്ന ചിത്രവുമാണ് മഹാവീര്യര്. രാജസ്ഥാനിലും കേരളത്തിലുമായാണ് ചിത്രീകരണം പൂര്ത്തിയാക്കിയത്. കൊവിഡ് മഹാമാരിക്കിടെ ഒട്ടേറെ വെല്ലുവിളികള് നേരിട്ടാണ് വലിയ ബജറ്റില് ചിത്രത്തിന്റെ ഷൂട്ടിംഗ് പൂര്ത്തീകരിച്ചത്.
സംസ്ഥാന അവാര്ഡ് ജേതാവ് ചന്ദ്രു സെല്വരാജ് ആണ് ചിത്രത്തിന്റെ ഛായാഗ്രഹണം. ഇഷാന് ചാബ്ര സംഗീതവും പശ്ചാത്തല സംഗീതവും ഒരുക്കിയിരിക്കുന്നു. ചിത്ര സംയോജനം മനോജ്, ശബ്ദ മിശ്രണം വിഷ്ണു ഗോവിന്ദ്, ശ്രീ ശങ്കര്, കലാ സംവിധാനം അനീസ് നാടോടി, വസ്ത്രാലങ്കാരം ചന്ദ്രകാന്ത്, മെല്വി ജെ, ചമയം ലിബിന് മോഹനന്, മുഖ്യ സഹ സംവിധാനം ബേബി പണിക്കര്.