“ഇട്ടിമാണി മെയ്ഡ് ഇന് ചൈന”യിലെ മോഹന്ലാലിന്റെ ചൈനീസ് അവതാരം കണ്ട് ത്രില്ലടിച്ചിരിക്കുകയാണ് ആരാധകര്. ചൈനീസ് പറഞ്ഞെത്തിയ ടീസറും ക്യാരക്ടര് പോസ്റ്ററുകളും വൈറലായിരുന്നു. ചിത്രത്തിലെ ആദ്യ ഗാനത്തിന്റെ ലിറിക്കല് വീഡിയോയും പുറത്തിറങ്ങിയിരിക്കുകയാണ്. ചൈനീസ് ഭാഷയും മലയാളവും ഇടകലര്ത്തിയുള്ള “ബൊമ്മ ബൊമ്മ” എന്ന ഗാനമാണ് പുറത്തിറങ്ങിയിരിക്കുന്നത്.
എം ജി ശ്രീകുമാര്, വൃന്ദ ഷമീക്ക് ഘോഷ്, മാസ്റ്റര് ആദിത്യന്, ലിയു ഷുവാങ്, തെരേസ റോസ് ജിയോ എന്നിവര് ചേര്ന്നാണ് ഗാനം ആലപിച്ചിരിക്കുന്നത്. സന്തോഷ് വര്മ്മയുടെ വരികള്ക്ക് ടീം ഫോര് മ്യൂസിക്ക്സ് ആണ് ഈണം നല്കിയിരിക്കുന്നത്. തൃശൂരില് ഇട്ടിമാണി കേറ്ററിങ് സര്വ്വീസ് നടത്തുന്ന ഇട്ടിമാണിയായി മോഹന്ലാല് വേഷമിടുമ്പോള് സുഗുണനായി അജു വര്ഗീസ് എത്തുന്നു. ലണ്ടനില് നഴ്സായ കാമുകിയായി എത്തുന്നത് ഹണി റോസാണ്.
കെപിഎസി ലളിത, സിദ്ദിഖ്, സലീം കുമാര്, ഹരീഷ് കണാരന്, ധര്മജന്, സിജോയ് വര്ഗീസ്, വിനു മോഹന്, സ്വാസിക, അരിസ്റ്റോ സുരേഷ്, കൈലാഷ്, അശോകന്, വിവിയ തുടങ്ങി ഒരു വമ്പന് താരനിരയാണ് ഈ ചിത്രത്തില് അണിനിരക്കുന്നത്. ജിബി ജോജു ടീം തിരക്കഥയെഴുതി സംവിധാനം ചെയ്യുന്ന ചിത്രം ആശീര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് നിര്മ്മിക്കുന്നത്. ഓണം റിലീസായി ചിത്രം തിയേറ്ററുകളിലെത്തും.