വന്‍ താരനിരയുമായി നിര്‍മ്മാതാവ് ലിസ്റ്റിന്‍ സ്റ്റീഫന്റെ മകളുടെ മാമോദീസ. മലയാളത്തിന്റെ പ്രിയ താരങ്ങളായ പൃഥ്വിരാജ്, നരേന്‍, പ്രയാഗ മാര്‍ട്ടിന്‍, വിജയകുമര്‍, വീണ നന്ദകുമാര്‍, നിര്‍മ്മാതാവ് ജോബി ജോര്‍ജ് എന്നിങ്ങനെ വന്‍താരയാണ് മാമോദീസ ചടങ്ങില്‍ പങ്കുചേരാനെത്തിയത്.
പൃഥ്വിരാജും ഭാര്യയും നിര്‍മ്മാതാവുമൊക്കെയായ സുപ്രിയയുമായിരുന്നു ചടങ്ങില്‍ ഏറെ തിളങ്ങിയത്. ചടങ്ങിലേക്ക് താരമെത്തിയത് തന്നെ ഏറെ സ്‌റ്റൈലിഷായിട്ടായിരുന്നു. മുടിയും താടിയും നീട്ടി വളര്‍ത്തി ആടുജീവിതത്തിന്റെ ലുക്കിലാണ് പൃഥ്വി ചടങ്ങിനെത്തിയത്. ഭാര്യ സുപ്രിയയാണ് ലിസ്റ്റിന്റെ മകള്‍ക്ക് ഇസബെല്‍ എന്ന പേരിട്ടതെന്നും പൃഥ്വിരാജ് പറഞ്ഞു.
“ട്രാഫിക്” ആയിരുന്നു ലിസ്റ്റിന്‍ നിര്‍മ്മിച്ച ആദ്യ ചിത്രം. “കെട്ട്യോളാണ് എന്റെ മാലാഖ”, “ഡ്രൈവിംഗ് ലൈസന്‍സ്” എന്നിവയാണ് ലിസ്റ്റിന്‍ നിര്‍മിച്ച അടുത്തായി പുറത്തിറങ്ങിയ ചിത്രങ്ങള്‍.