കുഞ്ചാക്കോ ബോബനെ നായകനാക്കി രതീഷ് ബാലകൃഷ്ണ പൊതുവാള്‍ തിരക്കഥയെഴുതി സംവിധാനം ചെയ്യുന്ന ‘ന്നാ താന്‍ കേസ് കൊട്’ എന്ന ചിത്രത്തിന്റെ ഫസ്റ്റ് ലുക്ക് പുറത്ത്. അംബാസ് രാജീവന്‍ എന്ന് വിളിക്കുന്ന കൊഴുമ്മല്‍ രാജീവന്‍ എന്ന കഥാപാത്രമായാണ് കുഞ്ചാക്കോ ചിത്രത്തില്‍ എത്തുന്നത്.
ആന്‍ഡ്രോയിഡ് കുഞ്ഞപ്പന്‍, കനകം കാമിനി കലഹം എന്നി ചിത്രങ്ങള്‍ക്ക് ശേഷം രതീഷ് ബാലകൃഷ്ണ പൊതുവാള്‍ തിരക്കഥയെഴുതി സംവിധാനം ചെയ്യുന്ന ചിത്രമാണിത്. തമിഴ് താരം ഗായത്രി ശങ്കര്‍ ആണ് ചിത്രത്തില്‍ നായികയാവുന്നത്.
സന്തോഷ് ടി. കുരുവിള നിര്‍മ്മിക്കുന്ന ഈ ചിത്രത്തിന്റെ ഛായാഗ്രാഹണം രാകേഷ് ഹരിദാസ് നിര്‍വ്വഹിക്കുന്നു. ഛായാഗ്രാഹണം രാകേഷ് ഹരിദാസ്. സംഗീതം ഡോണ്‍ വിന്‍സന്റ്. അതേസമയം, പട ആണ് കുഞ്ചാക്കോ ബോബന്റെതായി ഇപ്പോള്‍ തിയേറ്ററുകളില്‍ എത്തിയിരിക്കുന്നത്.
കമല്‍ കെ.എം സംവിധാനം ചെയ്ത ചിത്രം അയ്യങ്കാളി പട എന്ന സംഘടന 1996ല്‍ കലക്ടറെ ബന്ദിയാക്കി സംഭവമാണ് പറഞ്ഞത്. രണ്ടഗം, അറിയിപ്പ്, എന്താടാ സജി, പദ്മിനി, ആറാം പാതിര, ഗര്‍ര്‍, മറിയം ടൈലേഴ്‌സ് എന്നീ ചിത്രങ്ങളാണ് കുഞ്ചാക്കോയുടെതായി അണിയറയില്‍ ഒരുങ്ങുന്നത്.