“അള്ള് രാമേന്ദ്രന്” ശേഷം സംവിധായകന് ബിലഹരി ഒരുക്കുന്ന “കുടുക്ക് 2025” ചിത്രത്തിലെ കൃഷ്ണ ശങ്കറിന്റെ ക്യാരക്ടര് പോസ്റ്റര് പുറത്ത്. ഇതുവരെ കാണാത്ത വ്യത്യസ്ത മേക്കോവറിലാണ് കൃഷ്ണ ശങ്കര് പോസ്റ്ററില് പ്രത്യക്ഷപ്പെട്ടിരിക്കുന്നത്. പതിവ് കഥാപാത്രങ്ങളില് നിന്ന് മാറിയുളള ഗെറ്റപ്പിന് മികച്ച പ്രതികരണമാണ് ലഭിക്കുന്നത്.
മാരന് എന്ന കഥാപാത്രമായാണ് കൃഷ്ണ ശങ്കര് ചിത്രത്തില് വേഷമിടുന്നത്. മനുഷ്യന്റെ സ്വകാര്യതയാണ് ചിത്രത്തിന്റെ പ്രമേയം. ഷൈന് ടോം ചാക്കോ, ദുര്ഗ കൃഷ്ണ, സ്വാസിക എന്നിവരും പ്രധാന വേഷങ്ങളില് എത്തുന്നു. കൊവിഡ് നിയന്ത്രണങ്ങളോടെ നവംബറില് ആണ് ചിത്രീകരണം ആരംഭിച്ചത്.
“മണിയറയിലെ അശോകന്” ആണ് കൃഷ്ണ ശങ്കറിന്റേതായി ഒടുവില് റിലീസ് ചെയ്ത ചിത്രം. മോഹന്കുമാര് ഫാന്സ്, ഒറ്റക്കൊമ്പന് എന്നിവയാണ് താരത്തിന്റെതായി അണിയറയില് ഒരുങ്ങുന്ന മറ്റ് ചിത്രങ്ങള്.
അല്ഫോണ്സ് പുത്രന് സംവിധാനം ചെയ്ത നേരം എന്ന ചിത്രത്തിലൂടെയാണ് കൃഷ്ണ ശങ്കര് സിനിമാരംഗത്തേക്ക് എത്തിയത്. റെഡ് വൈന്, പ്രേമം, വള്ളീം തെറ്റി പുള്ളീം തെറ്റി, ഞണ്ടുകളുടെ നാട്ടില് ഒരിടവേള, ആദി, തൊബാമ, മറിയം വന്ന് വിളക്കൂതി തുടങ്ങി ശ്രദ്ധേയമായ ചിത്രങ്ങളുടെ ഭാഗമായിട്ടുണ്ട്.