കൂടത്തായി കൂട്ടക്കൊല കേസിനെ ആധാരമാക്കി ഒരുക്കുന്ന കൂടത്തായി എന്ന സിനിമയുടെ ഫസ്റ്റ് ലുക്ക് പോസ്റ്റര് പുറത്തു വന്നു. ഡിനി ഡാനിയല് കേന്ദ്ര കഥാപാത്രം ആയി അഭിനയിക്കുന്ന ചിത്രമാണിത്. സംവിധായകന് റോണക്സ് ഫിലിപ് ആണ്. അടുത്ത മാസം പത്താം തിയതി ഈ ചിത്രത്തിന്ന്റെ ഷൂട്ടിംഗ് ആരംഭിക്കും എന്നും അണിയറ പ്രവര്ത്തകര് അറിയിച്ചിട്ടുണ്ട്. അതേസമയം ഈ കഥ പശ്ചാത്തലമാക്കി മോഹന്ലാലിനെ നായകനാക്കി ഒരുങ്ങുന്ന ത്രില്ലര് ചിത്രം അടുത്ത വര്ഷം ഫെബ്രുവരി മാസത്തില് മാത്രമേ തുടങ്ങു എന്നും റിപ്പോര്ട്ടുകളുണ്ട്.
ചിത്രത്തിന് വിജീഷ് തുണ്ടത്തില് ആണ് തിരക്കഥ എഴുതുന്നത്. അലക്സ് ജോസഫ് ആണ് ഈ ചിത്രം നിര്മ്മിക്കുന്നത്. അതേ സമയം മോഹന്ലാല് നായകനായി ഇതേ കേസിന്റെ പശ്ചാത്തലത്തില് ഒരുങ്ങും എന്ന് പറയപ്പെടുന്ന ചിത്രം ആശീര്വാദ് സിനിമാസിന്റെ ബാനറില് ആന്റണി പെരുമ്പാവൂര് ആണ് നിര്മ്മിക്കുക
ഇപ്പോള് ഫസ്റ്റ് ലുക്ക് പോസ്റ്റര് പുറത്തു വന്ന കൂടത്തായി എന്ന് പേരിട്ടിരിക്കുന്ന ചിത്രത്തില് ജോളി ആയി ഡിനി ഡാനിയല് അഭിനയിക്കുന്നതിനൊപ്പം മലയാളത്തിലെ പ്രമുഖ താരങ്ങളും ഉണ്ടാകും എന്നാണ് സൂചന.