ഇന്ത്യയൊട്ടാകെയുള്ള ആരാധകര് ഏറെ പ്രതീക്ഷയോടെ കാത്തിരിക്കുന്ന ചിത്രങ്ങളിലൊന്നാണ് “കെജിഎഫ് ചാപ്റ്റര് 2”. ആരാധകരുടെ കാത്തിരിപ്പിന് വിരാമമിട്ട് ചിത്രം റിലീസ് തിയതി പ്രഖ്യാപിച്ചു. ജൂലൈ 16ന് ആണ് ചിത്രം തിയേറ്ററില് റിലീസ് ചെയ്യുന്നത്. യഷ് നായകനാകുമ്പോള് കൊടും വില്ലന് അധീരയായി വേഷമിടുന്നത് ബോളിവുഡ് താരം സഞ്ജയ് ദത്ത് ആണ്.
1951 മുതല് വര്ത്തമാനകാലം വരെയുള്ള കഥയാണ് രണ്ടാം ഭാഗത്തില് പറയുന്നത്. കോലര് സ്വര്ണഖനിയുടെ പശ്ചാത്തലത്തിലുള്ള പിരിഡ് ഡ്രാമയാണ് കെജിഎഫ് കോലാറിന്റെ സ്വര്ണഖനിയുടെ പശ്ചാത്തലത്തില് റോക്കി എന്ന അധോലോക നായകന്റെ കഥയാണ് ചിത്രം പറയുന്നത്. 2018 ഡിസംബറിലാണ് ആദ്യ ഭാഗം റിലീസ് ചെയ്തത്.
രവീണ ടണ്ടണ്, സഞ്ജയ് ദത്ത് എന്നീ ബോളിവുഡ് താരങ്ങളും കെജിഎഫ് 2വില് കേന്ദ്ര കഥാപാത്രങ്ങളായി എത്തുന്നുണ്ട്. ആദ്യ ഭാഗത്തില് നായികയായ ശ്രീനിഥി ഷെട്ടിയും രണ്ടാം ഭാഗത്തില് വേഷമിടുന്നുണ്ട്. പ്രകാശ് രാജ്, സോനു ഗൗഡ എന്നിവരും ചിത്രത്തില് പ്രധാന വേഷത്തില് എത്തുന്നുണ്ട്.
ചിത്രത്തിന്റെ പകുതിയോളം ഷൂട്ടിംഗ് നേരത്തെ പൂര്ത്തിയായിരുന്നു. ഹിറ്റ്മേക്കര് നിര്മ്മാതാക്കളായായ ഹോംബാലെ ഫിലിംസാണ് ചിത്രം നിര്മ്മിച്ചിരിക്കുന്നത്. ചിത്രം കേരളത്തില് അവതരിപ്പിക്കുന്നത് നടന് പൃഥ്വിരാജിന്റെ ഉടമസ്ഥതയിലുള്ള പൃഥ്വിരാജ് പ്രൊഡക്ഷന്സാണ്.