ലോകത്തില് ഏറ്റവും കൂടുതല് ആളുകള് കണ്ടത് ‘അവഞ്ചേഴ്സി’ന്റെയോ ഹോളിവുഡ് സിനിമകളുടെയോ ട്രെയ്ലര് അല്ലെന്ന് റിപ്പോര്ട്ടുകള്. പ്രേക്ഷകര് ഏറെ പ്രതീക്ഷയോടെ കാത്തിരുന്ന ‘കെജിഎഫ് 2’വിന്റെ ടീസര് ആണ് ലോകത്തില് ഏറ്റവും കൂടുതല് ആളുകള് കണ്ടിരിക്കുന്നത് എന്നാണ് പുതിയ റിപ്പോര്ട്ടുകള്.
കെജിഎഫ് 2 ടീസറിന്റെ മൂന്ന് വര്ഷത്തെ ആകെ വ്യൂവേഴ്സ് 275 മില്യണ് ആണ് (2.75 കോടി കാഴ്ച്ചക്കാര്). ഇത് ലോകമെമ്പാടും ആരാധകരുള്ള മാര്വലിന്റെ ‘അവഞ്ചേഴ്സ് ഇന്വിനിറ്റി വാര്’ സിനിമയുടെ ട്രെയ്ലറിന്റെ വ്യൂസിനേക്കാള് വളരെ മുന്നിലാണ് എന്നത് ശ്രദ്ധേയമാണ്.
ആറ് വര്ഷം എടുത്താണ് ഇന്വിനിറ്റി വാര് ട്രെയ്ലര് 262 മില്യണ് (2.67 കോടി) കാഴ്ച്ചക്കാരെ നേടിയത്. കെജിഎഫ് ചാപ്റ്റര് 2വിന്റെ അപ്ഡേഷനായി അക്ഷമരായി കാത്തിരുന്ന പ്രേക്ഷകരുടെ മുന്നിലേക്കാണ് 2:15 മിനിറ്റ് ദൈര്ഘ്യം മാത്രമുള്ള ടീസറെത്തുന്നത്.
റോക്കി ഭായിയായി ഇന്ത്യന് സിനിമ പ്രേമികള് ഏറ്റെടുത്ത യാഷിന്റെ പിറന്നാള് ദിനത്തില് ആയിരുന്നു ടീസര് വീഡിയോ എത്തിയത്. അതേസമയം, പ്രശാന്ത് നീലിന്റെ സംവിധാനത്തില് ചിത്രത്തിന്റെ മൂന്നാം ഭാഗത്തിനായാണ് ആരാധകര് കാത്തിരിക്കുന്നത്. മൂന്നാം ഭാഗത്തിന്റെ സൂചന നല്കി കൊണ്ടായിരുന്നു രണ്ടാം ഭാഗം അവസാനിച്ചത്.