കാന് ചലച്ചിത്രമേളയില് കേരളത്തിന്റെ യശസ്സുയര്ത്തിപ്പിടിച്ച ചലച്ചിത്രപ്രവര്ത്തകരെ സംസ്ഥാന സര്ക്കാര് ആദരിക്കും. ഗ്രാന്റ് പ്രി പുരസ്കാരം നേടിയ ‘ഓള് വി ഇമാജിന് ഏസ് ലൈറ്റ്’ എന്ന ചിത്രത്തിലെ അഭിനേതാക്കളായ കനി കുസൃതി, ദിവ്യപ്രഭ, ഹൃദു ഹാറൂണ്, അസീസ് നെടുമങ്ങാട് എന്നിവരെയും മേള അന്താരാഷ്ട്ര തലത്തിലെ മികച്ച ഛായാഗ്രാഹകര്ക്കു നല്കുന്ന അംഗീകാരമായ പിയര് ഓങ്ജന്യൂ എക്സലന്സ് ഇന് സിനിമറ്റോഗ്രഫി പുരസ്കാരത്തിന് അര്ഹനായ സന്തോഷ് ശിവനെയുമാണ് ആദരിക്കുന്നത്.
ഇന്ന് മൂന്ന് മണിക്ക് തിരുവനന്തപുരത്ത് മുഖ്യമന്ത്രിയുടെ ഓഫീസ് ചേംബറിൽ ചടങ്ങിന്റെ ഉദ്ഘാടനവും ഉപഹാര സമര്പ്പണവും മുഖ്യമന്ത്രി പിണറായി വിജയന് നിര്വഹിക്കും. സാംസ്കാരിക വകുപ്പ് മന്ത്രി സജി ചെറിയാന് അധ്യക്ഷത വഹിക്കുന്ന ചടങ്ങില്
മന്ത്രിമാരായ വി.ശിവന്കുട്ടി, ജി.ആര്. അനില്, വി.കെ പ്രശാന്ത് എം.എല്.എ, മേയര് ആര്യാ രാജേന്ദ്രന്, സാംസ്കാരിക വകുപ്പ് അഡീഷണല് ചീഫ് സെക്രട്ടറി രാജന് എന്.
ഖോബ്രഗഡെ ഐ.എ.എസ് എന്നിവര് അനുമോദനപ്രഭാഷണം നടത്തും. കെ.എസ്.എഫ്.ഡി.സി ചെയര്മാന് ഷാജി എന്. കരുണ്, സാംസ്കാരിക പ്രവര്ത്തക ക്ഷേമനിധി ബോര്ഡ് ചെയര്മാന് മധുപാല്, സാംസ്കാരിക വകുപ്പ് ഡയറക്ടര് എന്. മായ ഐ.എഫ്.എസ്, ചലച്ചിത്ര അക്കാദമി വൈസ് ചെയര്മാന് പ്രേംകുമാര്, സെക്രട്ടറി സി.അജോയ് എന്നിവര് പങ്കെടുക്കും. സന്തോഷ് ശിവന്, കനി കുസൃതി, ദിവ്യപ്രഭ, ഹൃദു ഹാറൂണ്, അസീസ് നെടുമങ്ങാട് എന്നിവര് മറുപടി പ്രസംഗം നടത്തും.
ചടങ്ങിനു മുന്നോടിയായി പ്രകാശ് ഉള്ള്യേരിയുടെ ‘ഡിവൈന് ഫിംഗേഴ്സ് ഓണ് കീബോര്ഡ്’ എന്ന ഉപകരണ സംഗീതപരിപാടി 2.30ന് ആരംഭിക്കും. സാംസ്കാരിക വകുപ്പിന്റെ നേതൃത്വത്തില് കേരള സംസ്ഥാന ചലച്ചിത്ര അക്കാദമിയും ചലച്ചിത്ര വികസന കോര്പ്പറേഷനും ചേര്ന്നാണ് ചടങ്ങ് സംഘടിപ്പിക്കുന്നത്. ചലച്ചിത്രസംഘടനാപ്രതിനിധികളും കലാസാംസ്കാരിക പ്രവര്ത്തകരും ചടങ്ങില് പങ്കെടുക്കും.