ദേശീയ പുരസ്കാര ജേതാവും നടനുമായ മുഹമ്മദ് മുസ്തഫ ആദ്യമായി സംവിധാനം ചെയ്യുന്ന “കപ്പേള”യുടെ ഷൂട്ടിംഗ് പൂര്ത്തിയായി. ശ്രീനാഥ് ഭാസി, അന്ന ബെന്, റോഷന് മാത്യു, തന്വി റാം, സുധി കോപ്പ, ജാഫര് ഇടുക്കി തുടങ്ങിയ യുവതാരങ്ങളെല്ലാം ചിത്രത്തിലെത്തുന്നുണ്ട്.
ചിത്രീകരണം പൂര്ത്തിയായ സന്തോഷം മുസ്തഫ തന്നെയാണ് തന്റെ ഫെയ്സ്ബുക്ക് പേജിലൂടെ അറിയിച്ചത്. “”കഴിഞ്ഞ 46 ദിവസങ്ങള്….ആദ്യ സംവിധാന സംരംഭത്തിന്റെ ഷൂട്ടിംഗ്, സന്തോഷത്തോടെ കടന്നുപോയി….എന്റെ സിനിമയുമായി സഹകരിച്ച എല്ലാവര്ക്കും ഹൃദയം നിറഞ്ഞ നന്ദി”” എന്നാണ് മുസ്തഫ ഫെയ്സ്ബുക്കില് കുറച്ചിരിക്കുന്നത്.
കഥാസ് അണ്ടോള്ഡിന്റെ ബാനറില് ഒരുങ്ങുന്ന ആദ്യ സിനിമ കൂടിയാണ് കപ്പേള. നിഖില് വാഹിദ്, സുദാസ്, മുസ്തഫ എന്നിവര് ചേര്ന്നാണ് ചിത്രത്തിന് തിരക്കഥയൊരുക്കുന്നത്. വിഷ്ണു വേണുവാണ് കപ്പേള നിര്മ്മിക്കുന്നത്. ജിംഷി ഖാലിദ് ഛായാഗ്രഹണം നിര്വ്വഹിക്കുന്ന ചിത്രത്തിന് സുഷിന് ശ്യാമാണ് സംഗീതമൊരുക്കുന്നത്.