അന്ന ബെന്, റോഷന് മാത്യു, ശ്രീനാഥ് ഭാസി എന്നിവരെ കേന്ദ്ര കഥാപാത്രങ്ങളാക്കി ദേശീയ പുരസ്കാര ജേതാവും നടനുമായ മുഹമ്മദ് മുസ്തഫ ആദ്യമായി സംവിധാനം ചെയ്യുന്ന ചിത്രം “കപ്പേള” ഇന്ന് തിയേറ്ററുകളിലേക്ക്. അന്ന ബെന് അവതരിപ്പിക്കുന്ന ജെസി എന്ന കഥാപാത്രത്തിലൂടെയാണ് ചിത്രം സഞ്ചരിക്കുക.
ചിത്രത്തിന്റെതായി നേരത്തെ പുറത്തെത്തിയ ട്രെയ്ലറിനും ഗാനത്തിനും മികച്ച സ്വീകാര്യതയാണ് സോഷ്യല് മീഡിയയില് നിന്നും ലഭിച്ചത്. തന്വി റാം, നില്ജ, സുധി കോപ്പ, നസീര് സംക്രാന്തി, നിഷ സാരംഗ് എന്നിവരാണ് ചിത്രത്തില് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
കഥാസ് അണ്ടോള്ഡിന്റെ ബാനറില് വിഷ്ണു വേണുവാണ് ചിത്രം നിര്മ്മിക്കുന്നത്. മുസ്തഫ, നിഖില് വാഹിദ്, സുദാസ് തുടങ്ങിവര് ചേര്ന്നാണ് സിനിമയുടെ തിരക്കഥ എഴുതിയിരിക്കുന്നത്. ജിംഷി ഖാലിദ് ഛായാഗ്രഹണം നിര്വ്വഹിക്കുന്ന സിനിമയ്ക്ക് സുഷിന് ശ്യാം സംഗീതമൊരുക്കുന്നു. കഥാസ് അണ്ടോള്ഡിന്റെ ബാനറില് ഒരുക്കുന്ന ആദ്യ സിനിമ കൂടിയാണ് കപ്പേള.
