അന്തരിച്ച തമിഴ്നാട് മുന്മുഖ്യമന്ത്രി ജയലളിതയുടെ ജീവിതം ആസ്പദമാക്കി “തലൈവി” എന്ന ചിത്രത്തിന്റെ ഷൂട്ടിംഗ് പുരോഗമിച്ചു കൊണ്ടിരിക്കുകയാണ്. ബോളിവുഡ് താരം കങ്കണ റണാവത്ത് ആണ് ജയലളിതയായി സ്ക്രീനിലെത്തുന്നത്. എന്നാല് ജയലളിത തന്നെ പോലെ ഒരു അഭിനേത്രി ആയിരുന്നില്ലെന്ന് പറഞ്ഞിരിക്കുകയാണ് കങ്കണ.
ജയലളിത തന്നെ പോലെ ഒരു നടിയായിരുന്നില്ല, ഐശ്വര്യാ റായ് ബോളിവുഡിലെന്ന പോലെ തമിഴിലെ ഗ്ലാമര് താരമായിരുന്നു ജയ എന്നുമാണ് കങ്കണ പറയുന്നത്. ജയലളിതയായി അഭിനയിക്കുന്നത് തന്റെ മുന്നിലുള്ള വലിയ വെല്ലുവിളിയായിരുവെന്നും കങ്കണ ഹിന്ദുസ്ഥാന് ടൈംസിനോട് പറഞ്ഞു.
എന്നാല് ജയലളിതക്ക് താനുമായും അല്പം സാമ്യമുള്ളതായും കങ്കണ പറയുന്നുണ്ട്. “”അവര് എല്ലാത്തിനോടും വിമുഖതയുള്ള നടിയായിരുന്നു, എന്നെ പോലെ. എനിക്കും ഒരു നടി അല്ല ആവേണ്ടിയിരുന്നത്, അതുകൊണ്ടാണ് ഞങ്ങള് വ്യത്യസ്തരായ അഭിനേതാക്കളായത്”” എന്ന് കങ്കണ വ്യക്തമാക്കി. എ.എല് വിജയ് ആണ് തലൈവി ഒരുക്കുന്നത്. അരവിന്ദ് സ്വാമിയാണ് എംജിആറായി വേഷമിടുന്നത്.