തെന്നിന്ത്യൻ പ്രേക്ഷകരുടെ ഇഷ്ടതാരങ്ങളായ ജയം രവിയും നിത്യ മേനോനും ഒന്നിക്കുന്നു. കിരുത്തിഗ ഉദനിധി സംവിധാനം ചെയ്യുന്ന ‘കാതലിക്ക നേരമില്ലൈ’ എന്ന ഏറ്റവും പുതിയ ചിത്രത്തിലൂടെയാണ് ജയം രവിയും നിത്യ മേനോനും ഒന്നിക്കുന്നത്.
ലക്ഷ്മി രാമകൃഷ്ണൻ, ഗായകൻ മനോ, ലാലും വിനോദിനി, വിനയ് റായ് എന്നിവരാണ് ചിത്രത്തിലെ മറ്റ് പ്രധാന താരങ്ങൾ. ഉദയനിധി സ്റ്റാലിന്റെ റെഡ് ജയന്റ് മൂവീസ് ആണ് ചിത്രം നിർമ്മിക്കുന്നത്.
റൊമാന്റിക് ഴോണറിൽ പുറത്തിറങ്ങുന്ന ചിത്രത്തിൽ എ. ആർ റഹ്മാൻ ആണ് സംഗീത സംവിധാനം നിർവഹിക്കുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റർ എക്സിലൂടെ റെഡ് ജയന്റ് മൂവീസ് പങ്കുവെച്ചു.
അതേസമയം ആന്റണി ഭാഗ്യരാജ് സംവിധാനം ചെയ്ത സൈറണാണ് ജയം രവിയുടേതായി റിലീസ് ചെയ്യാനുള്ള ഏറ്റവും പുതിയ ചിത്രം. കീര്ത്തി സുരേഷാണ് ചിത്രത്തിൽ നായികയായെത്തുന്നത്.