സ്വന്തം സിനിമയുടെ പോസ്റ്റര് ഒട്ടിച്ച് അഭിനേതാക്കളെ വെല്ലുവിളിച്ച് അവതാരകനും നടനുമായ ജീവ. അനൂപ് മേനോന് കേന്ദ്ര കഥാപാത്രത്തെ അവതരിപ്പിക്കുന്ന ’21 ഗ്രാംസ്’ ചിത്രത്തിന്റെ പോസ്റ്റര് ഒട്ടിക്കുന്ന വീഡിയോയാണ് ജീവ ജോസഫ് പങ്കുവച്ചത്.
ഇന്നലെ രാത്രി കാക്കനാട് പരിസരത്ത് 21 ഗ്രാംസ്ന്റെ പോസ്റ്റര് ഒട്ടിച്ചുകൊണ്ട് എല്ലാ സിനിമാ പ്രവര്ത്തകരെയും ജീവ ചാലഞ്ചു ചെയ്തിരിക്കുകയാണ്. അനൂപ് മേനോന്, അനു മോഹന് തുടങ്ങിയ എല്ലാവരുടെയും പേര് എടുത്ത് പറഞ്ഞു പോസ്റ്റര് ഒട്ടിച്ചു ചാലഞ്ച് ചെയ്യുന്ന വീഡിയോ ഇപ്പോള് വൈറലാണ്.
മാര്ച്ച് 18ന് ആണ് 21 ഗ്രാംസ് തിയേറ്ററുകളില് റിലീസിനെത്തുന്നത്. സസ്പെന്സ് ക്രൈം ത്രില്ലര് ജോണറിലാണ് ചിത്രം എത്തുന്നത്. ഒരു കൊലപാതകത്തെ തുടര്ന്ന് അന്വേഷിക്കാന് എത്തുന്ന ഉദ്യോഗസ്ഥനായാണ് അനൂപ് മേനോന് ചിത്രത്തില് വേഷമിടുന്നത്.
ബിബിന് കൃഷ്ണ തിരക്കഥയെഴുതി സംവിധാനം ചെയുന്ന സിനിമ കെ. എന് റിനിഷ് നിര്മ്മിക്കുന്നു. ലിയോണ ലിഷോയ്, അനു മോഹന്, രഞ്ജി പണിക്കര്, രഞ്ജിത്, ലെന, നന്ദു, മാനസ രാധാകൃഷ്ണന്, പ്രശാന്ത് അലക്സാണ്ടര്, മറീന മൈക്കിള്, ബിനീഷ് ബാസ്റ്റിന് തുടങ്ങിയവരാണ് മറ്റ് പ്രധാന താരങ്ങള്.
ഛായാഗ്രഹണം: ജിത്തു ദാമോദര്, ചിത്രസംയോജനം: അപ്പു എന് ഭട്ടതിരി, സംഗീതം: ദീപക് ദേവ്, ലിറിക്സ്: വിനായക് ശശികുമാര്, സൗണ്ട് മിക്സ്: പി സി വിഷ്ണു, സൗണ്ട് ഡിസൈന്: ജുബിന്, പ്രോജക്ട് ഡിസൈനര്: നോബിള് ജേക്കബ്, പ്രൊഡക്ഷന് ഡിസൈനര്: സന്തോഷ് രാമന്, എക്സിക്യൂട്ടീവ് പ്രൊഡ്യൂസര്സ്: ഷിനോജ് ഓടണ്ടിയില്.