കോവിഡ് ലോക്ഡൗണില്‍ ദുരിതത്തിലായവര്‍ക്ക് സഹായം നല്‍കി നടന്‍ ജഗപതി ബാബു. സിനിമാ രംഗത്ത് ജോലി നഷ്ടപ്പെട്ടവരെയും ഉപജീവനത്തിനായി കഷ്ടപ്പെടുന്ന 1000 കുടുംബങ്ങളെയുമാണ് താരം ദിവസവും സഹായിക്കുന്നത്.
പലചരക്ക്, പച്ചക്കറി തുടങ്ങി അവശ്യസാധനങ്ങളാണ് നടന്റെ നേതൃത്വത്തില്‍ വിതരണം ചെയ്യുന്നത്. സോഷ്യല്‍ മീഡിയയില്‍ നിരവധി പേരാണ് ഈ സൂപ്പര്‍ താരത്തിന് അഭിനന്ദനങ്ങള്‍ അറിയിച്ചെത്തിയിരിക്കുന്നത്. പുലിമുരുകന്‍ എന്ന ചിത്രത്തിലൂടെ പ്രേക്ഷകരുടെ ഹൃദയം കീഴടക്കിയ താരം കൂടിയാണ് ജഗപതി ബാബു.
മോഹന്‍ലാല്‍ ചിത്രത്തില്‍ ഡാഡി ഗിരിജ എന്ന വില്ലനെയാണ് താരം അവതരിപ്പിച്ചത്. ജീത്തു ജോസഫ് സംവിധാനം ചെയ്ത ആദിയിലും മമ്മൂട്ടി പ്രധാനകഥാപാത്രത്തെ അവതരിപ്പിച്ച മധുരരാജയിലും ജഗപതി ബാബു വില്ലന്‍ വേഷങ്ങളില്‍ എത്തിയിരുന്നു.