വിനീത് ശ്രീനിവാസനും കുമ്പളങ്ങി നൈറ്റ്സ് ഫെയിം മാത്യുവും പ്രധാന വേഷത്തിലെത്തുന്ന തണ്ണീര്മത്തന് ദിനങ്ങളിലെ ആദ്യ വീഡിയോ ഗാനത്തിന് വമ്പന് സ്വീകാര്യത. പുറത്തിറങ്ങി രണ്ട് ദിനം മാത്രം പിന്നിടുമ്പോള് ഗാനത്തിന് എട്ടര ലക്ഷത്തിനു മേല് കാഴ്ചക്കാരായി. യൂട്യൂബ് ട്രെന്ഡിംഗിലും രണ്ടാമതാണ് വീഡിയോ. സുഹൈല് കോയയുടെ വരികള്ക്ക് സംഗീതം പകര്ന്നിരിക്കുന്നത് ജസ്റ്റിന് വര്ഗീസ്. സൗമ്യ രാമകൃഷ്ണനും ദേവദത്ത് ബിജിബാലും ചേര്ന്നാണ് ഈ ഗാനം ആലപിച്ചിരിക്കുന്നത്.
ജെയ്സണ് എന്ന സ്കൂള് വിദ്യാര്ത്ഥിയായാണ് മാത്യു തണ്ണീര്മത്തന് ദിനങ്ങളുടെ ട്രെയിലറില് പ്രത്യക്ഷപ്പെടുന്നത്. ട്രെയിലറില് പ്രത്യക്ഷപ്പെടുന്നത്. അവന്റെ ഒന്നാമത്തെ പ്രശ്നം വിനീത് ശ്രീനിവാസന് അവതരിപ്പിക്കുന്ന അദ്ധ്യാപക കഥാപാത്രമാണ്. അള്ളു രാമേന്ദ്രന് എന്ന ചിത്രത്തിന്റെ തിരക്കഥാകൃത്തിലൊരാളായ ഗിരീഷ് ആണ് ചിത്രം സംവിധാനം ചെയ്യുന്നത്.
ഞണ്ടുകളുടെ നാട്ടില് ഒരു ഇടവേള എന്ന ചിത്രത്തിലൂടെ പ്രശസ്തനായ ജസ്റ്റിന് വര്ഗീസ് ആണ് ഈ ചിത്രത്തിന്റെ സംഗീതം ഒരുക്കുന്നത്. ജോമോന് ടി ജോണ്. ഷെബിന് ബക്കര്, ഷമീര് മുഹമ്മദ് എന്നിവര് ചേര്ന്നാണ് ചിത്രം നിര്മ്മിക്കുന്നത്.