മോഹന്ലാല് ചിത്രം ഇട്ടിമാണി മെയ്ഡ് ഇന് ചൈന കുടുംബപ്രേക്ഷകര്ക്ക് തീര്ച്ചയായും ഇഷ്ടമാകുമെന്ന് സിനിമയുടെ അണിയറപ്രവര്ത്തകര്. ചിത്രത്തിന്റെ മേക്കിംഗ് വീഡിയോയും ഇട്ടിമാണി ടീം പുറത്തുവിട്ടു. ജിബി ജോജു ടീം തിരക്കഥയെഴുതി സംവിധാനം ചെയ്യുന്ന മോഹന്ലാല് ചിത്രമാണ് ഇട്ടിമാണി മേഡ് ഇന് ചൈന. ആശീര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് ചിത്രം നിര്മ്മിക്കുന്നത്.
ചിത്രത്തില് മോഹന്ലാല് ഇരട്ട വേഷത്തിലെത്തുമെന്നും റിപ്പോര്ട്ടുകള് വരുന്നുണ്ട്. അച്ഛനും മകനുമായി മോഹന്ലാല് വേഷമിടുമെന്നാണ് റിപ്പോര്ട്ട്. മകന് ഇട്ടിമാണി തൃശ്ശൂരില് ഇട്ടിമാണി കേറ്ററിംഗ് സര്വ്വീസ് നടത്തുകയാണ്. ഹണി റോസാണ് ഇട്ടിമാണിയുടെ കാമുകി. ഹണിയുടെ കഥാപാത്രം ലണ്ടനില് നഴ്സാണ്.
മോഹന്ലാലിന് ഒപ്പം അജു വര്ഗീസ്, ഹരിഷ് കണാരന്, ധര്മജന് ബോള്ഗാട്ടി, രാധിക ശരത് കുമാര്, ഹണി റോസ്, അശോകന്, സിജോയ് വര്ഗീസ്, കൈലാഷ്, കെ പി എ സി ലളിത, വിനു മോഹന്, സ്വാസിക, വിവിയ, സിദ്ദിഖ്, സലിം കുമാര്, അരിസ്റ്റോ സുരേഷ്, ജോണി ആന്റണി തുടങ്ങി ഒരു വമ്പന് താരനിര ആണ് ഈ ചിത്രത്തില് അണിനിരക്കുന്നത്. ഷാജി കുമാര് ഛായാഗ്രഹണം നിര്വഹിക്കുന്ന ഈ ചിത്രത്തിന് സംഗീതം ഒരുക്കുന്നത് ടീം ഫോര് മ്യൂസിക്സ് ആണ്. ഓണം റിലീസായി ചിത്രം തിയേറ്ററുകളിലെത്തും.