ലഹരിമരുന്ന് കേസില് കേസില് ബോളിവുഡ് താരം ഷാരൂഖ് ഖാന്റെ മകന് ആര്യന് ഖാനെ തെളിവുകളുടെ അഭാവത്തില് കോടതി വെറുതെ വിട്ടിരുന്നു. ഇപ്പോഴിതാ സംഭവത്തില് പ്രതികരണവുമായി നടനും എം.പിയുമായ ശത്രുഘ്നന് സിന്ഹ രംഗത്ത് വന്നിരിക്കുകയാണ്.
അറസ്റ്റിന് തൊട്ടുപിന്നാലെ പിന്തുണയുമായി രംഗത്ത് വന്നെങ്കിലും ഷാരൂഖ് ഖാന് തന്നോട് ഒരു നന്ദിപോലും പറഞ്ഞില്ലെന്നാണ് ശത്രുഘ്നന് സിന്ഹയുടെ പരാതി.
നാഷണ് നെക്സ്റ്റിന് നല്കിയ അഭിമുഖത്തിലായിരുന്നു ശത്രുഘ്നന് സിന്ഹയുടെ പ്രതികരണം. സൂപ്പര് താരത്തിന്റെ മകനായതുകൊണ്ടാണോ ആര്യന് ഖാനെക്കുറിച്ച് ആശങ്ക തോന്നിയതെന്ന ചോദ്യത്തിനോട് പ്രതികരിക്കുകയായിരുന്നു അദ്ദേഹം.
സംഭവത്തില് ഒരു പിതാവെന്ന നിലയില് ഷാരൂഖ് ഖാന്റെ വേദന അറിയാമായിരുന്നു. ആര്യന് കുറ്റക്കാരനാണെങ്കില് കൂടി അയാളെ ലഹരിവിമുക്ത കേന്ദ്രത്തിലാക്കുന്നതിന് പകരം ജയിലിലടക്കുകയാണ് ചെയ്തത്. ഒരു കാര്യം കൂടി ഇതോടൊപ്പം പറയുന്നു. ഞാന് പ്രതീക്ഷിച്ച പോലെ തന്നെ സംഭവിച്ചു. എനിക്ക് ഷാരൂഖ് ഖാനില് നിന്ന് ഒരു നന്ദിവാക്കുപോലും കിട്ടിയില്ല ശത്രുഘ്നന് സിന്ഹ പറഞ്ഞു.