ഫിറ്റ്നസിനായി മോഹന്ലാല് എടുക്കുന്ന എഫേര്ട്ടുകള് എന്നും ചര്ച്ചയാകാറുണ്ട്. ബോക്സറുടെ ലുക്കില് ഫൈറ്റ് ചെയ്യാന് എന്ന പോലെ ഒരുങ്ങി നില്ക്കുന്ന പ്രിയ താരത്തിന്റെ ചിത്രമാണ് ഇപ്പോള് വൈറലായി കൊണ്ടിരിക്കുന്നത്. ഏത് സിനിമയ്ക്ക് വേണ്ടിയാണ് താരം ഒരുങ്ങുന്നത് എന്ന ചര്ച്ചകളാണ് ഇപ്പോള് സോഷ്യല് മീഡിയയില് നടക്കുന്നത്.
അബ്രഹാം ഖുറേഷിക്ക് വേണ്ടിയുള്ള തയാറെടുപ്പാണോ ഇത് എന്നാണ് ആരാധകര് ചോദിക്കുന്നത്. ലൂസിഫറിന്റെ രണ്ടാം ഭാഗമായ ‘എമ്പുരാന്’ സിനിമയുടെ ചിത്രീകരണം സെപ്റ്റംബറില് ആരംഭിക്കുമെന്ന് റിപ്പോര്ട്ടുകള് വന്നിരുന്നു. ഈ സിനിമയ്ക്കായാണോ താരം ഒരുങ്ങുന്നത് എന്നാണ് ആരാധകരുടെ സംശയം.
മലയാളത്തില് ആദ്യമായി 200 കോടി ക്ലബിലെത്തിയ ചിത്രമാണ് ലൂസിഫര്. സിനിമയുടെ രണ്ടാം ഭാഗം എമ്പുരാനായി സിനിമാ പ്രേമികള് ഒന്നടങ്കം കാത്തിരിക്കുകയാണ്. പാന് ഇന്ത്യന് ചിത്രമായല്ല, പാന് വേള്ഡ് ചിത്രമായാണ് എമ്പുരാന് പുറത്തുവരുന്നത് എന്നാണ് മോഹന്ലാല് സിനിമയെ കുറിച്ച് പറഞ്ഞത്.
ലൂസിഫറിന് മൂന്ന് ഭാഗങ്ങള് ഉണ്ടായിരിക്കുമെന്ന് മുമ്പ് പൃഥ്വിരാജ് ഒരു അഭിമുഖത്തില് വ്യക്തമാക്കിയിട്ടുണ്ട്. അതേസമയം, പാന് ഇന്ത്യന് ചിത്രമായ ‘വൃഷഭ’യാണ് മോഹന്ലാല് അടുത്തതായി അഭിനയിക്കുന്ന ചിത്രം. ഇതിനായി ഈ മാസം അദ്ദേഹം വിദേശത്തേക്ക് പോകും.