ധനുഷ് ചിത്രം ‘വാത്തി’യില് നിന്നും മലയാളി താരം സംയുക്ത മേനോന് പിന്മാറിയതായി റിപ്പോര്ട്ടുകള്. വ്യക്തിപരമായ കാരണങ്ങള് കൊണ്ടാണ് സംയുക്ത ചിത്രത്തില് നിന്നും പിന്മാറിയത് എന്നാണ് റിപ്പോര്ട്ടുകള്. എന്നാല് ഈ വാര്ത്തകള്ക്കെതിരെ രംഗത്തെത്തിയിരിക്കുകയാണ് ചിത്രത്തിന്റെ അണിയറ പ്രവര്ത്തകര്.
സംയുക്ത സിനിമയുടെ ഭാഗമാണ്. നടി പിന്മാറി എന്ന വാര്ത്ത തെറ്റാണെന്നും അണിയറപ്രവര്ത്തകര് അറിയിക്കുന്നു. പൊങ്കലിന് ശേഷം സിനിമയുടെ ഷൂട്ടിംഗ് ആരംഭിക്കുമെന്നും അണിയറപ്രവര്ത്തകര് അറിയിച്ചു.വെങ്കി അറ്റിലൂരി തിരക്കഥയെഴുതി സംവിധാനം ചെയ്യുന്ന ചിത്രമാണ് വാത്തി.
‘സര്’ എന്ന പേരില് ചിത്രം തെലുങ്കിലും റിലീസ് ചെയ്യും. ധനുഷിന്റെ ആദ്യ തെലുങ്ക് ചിത്രം കൂടിയാണ് സര്. നാഗവംശി എസും, സായ് സൗജന്യയും ചേര്ന്നാണ് നിര്മ്മാണം. ഒരുപാട് സ്വപ്നങ്ങളുള്ള കോളേജ് അധ്യാപകനായ ഒരു സാധാരണ മനുഷ്യന്റെ കഥയാണ് വാത്തി പറയുന്നത്.
വിദ്യാഭ്യാസത്തിന്റെ സ്വകാര്യവല്ക്കരണത്തിനെതിരെ പോരാടുന്ന യുവാവിന്റെ കഥയാണ് ചിത്രത്തിന്റെ പ്രമേയം. ചിത്രത്തിന്റെ ഫസ്റ്റ് ലുക്ക് പോസ്റ്റര് നേരത്തെ പുറത്തു വിട്ടിരുന്നു. വിദ്യാര്ത്ഥികളുള്ള ഒരു ക്ലാസ് മുറിയിലെ ബോര്ഡ് ആണ് പോസ്റ്ററില് ഉണ്ടായിരുന്നത്.