മോഹന്ലാലിന്റെ പാന് ഇന്ത്യ ചിത്രം ‘വൃഷഭ’ ഉപേക്ഷിച്ചതായി റിപോർട്ടുകൾ. പ്രതീക്ഷിച്ചതിലും കൂടുതൽ ബഡ്ജറ്റ് വേണ്ടിവരുന്നതിനാലാണ് പ്രൊജക്റ്റ് ഉപേക്ഷിക്കാൻ കാരണം എന്നാണ് റിപ്പോർട്ട്. സിനിമ മുന്നോട്ടു കൊണ്ടു പോകാന് കഴിയാത്ത സ്ഥിതിയാണ് ഇപ്പോഴുള്ളതെന്നും വൃഷഭയുമായി ബന്ധപ്പെട്ട വൃത്തങ്ങള് റിപ്പോര്ട്ട് ചെയ്യുന്നു.
ഏവരും പ്രതീക്ഷയോടെ കാത്തിരുന്ന ചിത്രമാണ് വൃഷഭ. ചിത്രത്തിലെ തന്റെ ലുക്ക് മോഹൻലാൽ തന്നെ പുറത്തു വിടുകയും ചെയ്തിരുന്നു. യോദ്ധാവിന് സമാനമായി കൈയിൽ വാളേന്തി നിൽക്കുന്ന മോഹൻലാലായിരുന്നു പോസ്റ്ററിൽ ഉണ്ടായിരുന്നത്.
അച്ഛൻ- മകൻ സ്നേഹബന്ധത്തിന്റെയും പ്രതികാരത്തിന്റെയും കഥയാണ് വൃഷഭ പറയുന്നത്. തെലുങ്ക് നടൻ റോഷന് മേക്ക, ഷനായ കപുര്, സഹ്റ എസ്. ഖാന് എന്നിവർ ചിത്രത്തിലുണ്ടായിരുന്നു.
അഞ്ചു ഭാഷകളിലായി നിശ്ചയിച്ച വൃഷഭയുടെ ആദ്യ ഷെഡ്യൂൾ കഴിഞ്ഞ ആഗസ്റ്റിൽ മൈസൂരിൽ വച്ചായിരുന്നു. രണ്ടാം ഷെഡ്യൂൾ ലണ്ടനിലായിരുന്നു നിശ്ചയിച്ചിരുന്നത്. എന്നാൽ ലണ്ടൻ ഷെഡ്യൂൾ ആരംഭിക്കാൻ കഴിഞ്ഞില്ല.