കെ.ആര്‍ ഗൗരിയമ്മയ്ക്ക് യുവസംവിധായകന്‍ സമര്‍പ്പിച്ച പുതു കവിത സോഷ്യല്‍ മീഡിയയില്‍ വൈറലാകുന്നു. മുന്‍ മന്ത്രിയും പ്രമുഖ രാഷ്ട്രീയ നേതാവുമായ ഗൗരിയമ്മയുടെ രാഷ്ട്രീയ ജീവിതം ആദ്യമായി വെള്ളിത്തിരയിലെത്തിച്ച “കാലം മായ്ക്കാത്ത ചിത്രങ്ങള്‍” എന്ന ഡോക്യുമെന്ററി ഒരുക്കിയ നവാഗത സംവിധായകന്‍ അഭിലാഷ് കോടവേലിയാണ് കവിതയുമായി എത്തിയിരിക്കുന്നത്.
ട്രോപ്പിക്കാന ഫിലിംസിന്റെ ബാനറില്‍ റഹിം റാവുത്ത റായിരുന്നു “കാലം മായ്ക്കാത്ത ചിത്രങ്ങള്‍” നിര്‍മ്മിച്ചത്. 2016-ല്‍ റിലീസ് ചെയ്ത ഡോക്യുമെന്ററി ഗൗരിയമ്മയുടെ സമഗ്ര ജീവിതം വരച്ചിടുന്നതായിരുന്നു. ഗൗരിയമ്മയുടെ അറിയപ്പെടാത്ത രാഷ്ടീയ ജീവിതമായിരുന്നു ചിത്രത്തിന്റെ ഇതിവൃത്തം.
രാഷ്ട്രീയ രംഗത്ത് ഈ ചിത്രം ഏറെ ശ്രദ്ധേയമായിരുന്നു. വൈറലായ പുതിയ കവിതയ്ക്ക് വേണു തിരുവിഴയാണ് സംഗീതം നല്‍കിയിരിക്കുന്നത്. കൂറ്റുവേലി ബാലചന്ദ്രനാണ് കവിത ആലപിച്ചിരിക്കുന്നത്.
ഈ കവിതയുടെയും കാലം മായ്ക്കാത്ത ചിത്രങ്ങള്‍, എന്ന ഹ്രസ്വ ചിത്രത്തിന്റെയും രചനയും സംവിധാനവും നിര്‍വഹിച്ചിരിക്കുന്നത് അഭിലാഷ് കോടവേലിയാണ്. ഷോര്‍ട്ട് ഫിലിമിലൂടെയും കവിതയിലൂടെയും ഗൗരിയമ്മയുടെ സമര്‍പ്പിത ജീവിതമാണ് സംവിധായകന്‍ പറയുന്നത്.