മിഥുൻ മാനുവൽ തോമസിന്റെ തിരക്കഥയിൽ അരുൺ വർമ്മ സംവിധാനം ചെയ്ത് ബിജു മേനോനും സുരേഷ് ഗോപിയും പ്രധാന കഥാപാത്രങ്ങളായെത്തിയ ക്രൈം- ത്രില്ലർ സിനിമയാണ് ഗരുഡൻ.
തിയേറ്ററുകളിൽ മികച്ച പ്രേക്ഷക അഭിപ്രായമാണ് ഗരുഡന് കിട്ടിക്കൊണ്ടിരിക്കുന്നത്. അതേ സമയം മികച്ച കളക്ഷൻ റിപ്പോർട്ടുകളും ചിത്രത്തിന് കിട്ടുണ്ട്.
വേൾഡ് വൈഡ് കളക്ഷനായി 20 കോടി രൂപയാണ് ഗരുഡൻ ഇതുവരെ നേടിയത്. ആദ്യ ദിവസം തന്നെ മികച്ച പ്രേക്ഷക പ്രതികരണം ലഭിച്ച ഗരുഡന് തുടർന്നും ഗംഭീര റിപ്പോർട്ടുകളാണ് കിട്ടിയത്. കേരള ബോക്സ് ഓഫീസിൽ നിന്നു മാത്രം 12 കോടി രൂപയാണ് ചിത്രം നേടിയത്. ചിത്രം വൈകാതെ തന്നെ അൻപത് കോടി ക്ലബ്ബിൽ കയറുമെന്നാണ് ട്രേഡ് അനലിസ്റ്റുകൾ പറയുന്നത്.
സമീപകാല മലയാളം സിനിമയിൽ പുറത്തിറങ്ങിയ മികച്ച ത്രില്ലറുകളുടെ കൂട്ടത്തിൽ ഗരുഡൻ സ്ഥാനമുണ്ടെന്നാണ് പ്രേക്ഷകർ പറയുന്നത്. ലിസ്റ്റിൻ സ്റ്റീഫനാണ് ചിത്രം നിർമ്മിച്ചിരിക്കുന്നത്.
അഭിരാമി, സിദിഖ്, ജഗദീഷ്, ദിലീഷ് പോത്തൻ, തലൈവാസൽ വിജയ്, ദിവ്യാ പിള്ള , മേജർ രവി, ജയിംസ് ജോസ്, നിഷാന്ത് സാഗർ, രഞ്ജിത്ത് കാൽപ്പോൾ, സാദ്ധിഖ് തുടങ്ങിയവരാണ് സിനിമയിലെ മറ്റ് താരങ്ങൾ. അജയ് ഡേവിഡ് കാച്ചപ്പിളളിയാണ് ചിത്രത്തിന് വേണ്ടി ഛായാഗ്രാഹണം നിർവഹിച്ചിരിക്കുന്നത്.