മെഗാസ്റ്റാര് മമ്മൂട്ടിയുടെ “ഗാനഗന്ധവര്വ്വനാ”യി കാത്തിരിക്കുകയാണ് ആരാധകര്. രമേഷ് പിഷാരടിയുടെ സംവിധാനത്തിലൊരുങ്ങുന്ന ചിത്രത്തിന്റെ ട്രെയ്ലര് പതിനൊന്ന് ലക്ഷത്തിന് മേല് കാഴ്ചക്കാരാണുള്ളത്. മമ്മൂട്ടി എന്ന നടന്റെ അഭിനയ വൈഭവം തന്നെയാണ് ട്രെയിലറിന്റെ ഹൈലൈറ്റ്.
“ബെസ്റ്റ് ആക്ടര്” പോലുള്ള ഒരു ചിത്രമായിരിക്കും ഗാനഗന്ധര്വ്വന് എന്നാണ് ട്രെയിലര് നല്കുന്ന സൂചന. കലാസദന് ഉല്ലാസ് എന്ന കഥാപാത്രമായാണ് ചിത്രത്തില് മമ്മൂട്ടി എത്തുന്നത്. രമേഷ് പിഷാരടിയും ഹരി പി നായരും ചേര്ന്നാണ് ചിത്രത്തിന്റെ കഥയും തിരക്കഥയും സംഭാഷണവും ഒരുക്കിയിരിക്കുന്നത്.
മുകേഷ്, ഇന്നസെന്റ്, സിദ്ധിഖ്, സലിം കുമാര്, ധര്മ്മജന് ബോള്ഗാട്ടി, ഹരീഷ് കണാരന്, മനോജ് കെ ജയന്, സുരേഷ് കൃഷ്ണ, മണിയന്പിള്ള രാജു, കുഞ്ചന്, അശോകന്, സുനില് സുഖദ, അതുല്യ, ശാന്തി പ്രിയ തുടങ്ങി വന്താരനിരയാണ് ചിത്രത്തിലുള്ളത്. ശ്രീലക്ഷ്മി ആര്, ശങ്കര് രാജ് ആര്, രമേഷ് പിഷാരടി എന്നിവര് ചേര്ന്നാണ് ചിത്രം നിര്മ്മിക്കുന്നത്. അഴകപ്പന് ഛായാഗ്രഹണം നിര്വഹിക്കുന്ന ചിത്രത്തിന് സംഗീതമൊരുക്കുന്നത് ദീപക് ദേവാണ്.