ബലാത്സംഗക്കേസില് സിനിമാ നിര്മ്മാതാവ് മാര്ട്ടിന് സെബാസ്റ്റ്യന് അറസ്റ്റില്. തൃശൂര് സ്വദേശിനിയുടെ പരാതിയിലാണ് നടപടി. സിനിമയില് അവസരം വാഗ്ദാനം ചെയ്ത് കഴിഞ്ഞ 15 വര്ഷമായി പീഡിപ്പിക്കുന്നെന്നാണ് യുവതിയുടെ പരാതി.
2000 മുതല് ഉള്ള കാലഘട്ടത്തില് വയനാട്, മുംബൈ, തൃശൂര്, ബെംഗളൂരു എന്നിവിടങ്ങളില് വച്ച് പീഡിപ്പിച്ചു എന്നാണു യുവതി നല്കിയ പരാതിയില് പറയുന്നത്. 78,60,000 രൂപയും 80 പവന് സ്വര്ണവും തട്ടിയെടുത്തു എന്നും യുവതി ആരോപിക്കുന്നുണ്ട്.
യുവതി പൊലീസില് പരാതി നല്കുമെന്നു വന്നതോടെ ഏഴ് പൊലീസ് സ്റ്റേഷന് പരിധികളിലുള്ള സെഷന്സ് കോടതികളിലും കേരള ഹൈക്കോടതിയിലും ഹര്ജി നല്കി മാര്ട്ടിന് മുന്കൂര് ജാമ്യം നേടിയിരുന്നു.
ചോദ്യം ചെയ്യലിനായി ഇന്ന് ഹാജരായപ്പോഴാണ് അറസ്റ്റ് രേഖപ്പെടുത്തിയത്. 1990 ല് ആട്-തേക്ക് മാഞ്ചിയം കേസിലും മാര്ട്ടിനെതിരെ അന്വേഷണം നടന്നിരുന്നു.