ഷഫീക് എന്ന പട്ടാളക്കാരന്റെ ജീവിതം പറഞ്ഞെത്തിയ “എടക്കാട് ബറ്റാലിയന് 06” റിലീസ് ചെയ്ത് നാല് ദിവസങ്ങള്ക്ക് ശേഷവും മികച്ച പ്രതികരണങ്ങളുമായി പ്രദര്ശനം തുടരുകയാണ്. വെള്ളിയാഴ്ച തിയേറ്ററുകളിലേക്ക് എത്തിയ ചിത്രം കുടുംബ പ്രേക്ഷകര് ഏറ്റെടുത്തിരിക്കുകയാണ്.
പട്ടാളക്കാര്ക്കുള്ള ആദരമായാണ് ചിത്രം എത്തിയത്. നവാഗതനായ സ്വപ്നേഷ് കെ നായര് ഒരുക്കിയ ചിത്രത്തില് ടൊവിനോ തോമസ് ആണ് ഷെഫീക് ആയി വേഷമിട്ടത്. സംയുക്ത മേനോനാണ് നായികയായി എത്തിയത്. നൈന ഫാത്തിമ എന്ന അധ്യാപികയുടെ വേഷത്തിലാണ് സംയുക്ത എത്തിയത്.
കാര്ണിവല് മോഷന് പിക്ചേഴ്സും റൂബി ഫിലിംസും ചേര്ന്നാണ് നിര്മാണം. ദിവ്യാ പിളള, പി. ബാലചന്ദ്രന്, രേഖ, സന്തോഷ് കീഴാറ്റൂര്, നിര്മല് പാലാഴി, ശങ്കര് ഇന്ദുചൂഡന്, ശാലു റഹിം തുടങ്ങിയവരാണ് മറ്റു പ്രധാന താരങ്ങള്. പി ബാലചന്ദ്രന് കഥയും തിരക്കഥയും ഒരുക്കിയ ചിത്രത്തിന്റെ സംഗീത സംവിധാനം കൈലാസ് മേനോന് ആണ്.