ദുല്ഖര് സല്മാന് നായകനായെത്തുന്ന പുതിയ തമിഴ് ചിത്രം കണ്ണും കണ്ണും കൊള്ളയടിത്താലിന്റെ പുതിയ ലുക്ക് റിലീസ് ചെയ്തു. ദുല്ഖറാണ് സോഷ്യല് മീഡിയയിലൂടെ ചിത്രത്തിന്റെ പുതിയ പോസ്റ്റര് ഷെയര് ചെയ്തിരിക്കുന്നത്. രണ്ട് വര്ഷം മുമ്പ് പ്രഖ്യാപിച്ച ഈ തമിഴ് റൊമാന്റിക് ചിത്രത്തില് ഋതു വര്മ്മയാണ് നായിക. “പെല്ലിചൂപലു” എന്ന തെലുങ്ക് ചിത്രത്തിലൂടെ പ്രേക്ഷകര്ക്ക് പ്രിയങ്കരിയായ നടിയാണ് ഋതു.
റൊമാന്റിക് ത്രില്ലറായി ഒരുക്കുന്ന ഈ സിനിമ ദേശീസിംഗ് പെരിയസ്വാമിയാണ് തിരക്കഥയെഴുതി സംവിധാനം ചെയ്യുന്നത്. രക്ഷന്, നിരഞ്ജിനി അഹ്തിയാന് എന്നിവരാണ് ചിത്രത്തിലെ മറ്റ് കേന്ദ്രകഥാപാത്രങ്ങളെ അവതരിപ്പിക്കുന്നത്. 2017- ല് ചിത്രീകരണം ആരംഭിച്ചിരുന്നെങ്കിലും ഈ ചിത്രം വൈകി പോവുകയായിരുന്നു. സിദ്ധാര്ത്ഥ് എന്ന ഐ.ടി പ്രൊഫഷണല് ആയാണ് ദുല്ഖര് ചിത്രത്തില് വേഷമിടുന്നത്.
ദുല്ഖറിന്റെ 25-ാമത് ചിത്രമാണ് “കണ്ണും കണ്ണും കൊള്ളയടിത്താല്”. കെ എം ഭാസ്കരന് ആണ് ചിത്രത്തിന്റെഛായാഗ്രാഹകന്. ഡല്ഹി, ഗോവ, ചെന്നൈ എന്നിവിടങ്ങളിലായി പൂര്ത്തിയായ ചിത്രം ഉടനെ റിലീസിനെത്തുമെന്നാണ് കരുതുന്നത്.