കോവിഡ് -19 എന്ന മഹാമാരിയുടെ പെട്ടെന്നുള്ള ആക്രമണത്തെ നേരിടാനാവാതെ പകച്ച് നില്ക്കുകയാണ് ലോകം. കേരളത്തിലെ ആരോഗ്യമേഖലയൊന്നാകെ ഈ രോഗത്തെ കീഴടക്കുവാന് ആത്മാര്ഥമായി പരിശ്രമിക്കുന്നുണ്ടെങ്കിലും പെട്ടെന്നൊരു സാമൂഹിക വ്യാപനം ഉണ്ടായാലുള്ള പ്രത്യാഘാതങ്ങള് നേരിടാനുള്ള സംവിധാനങ്ങളുടെ അപര്യാപ്തത നിലവിലുണ്ട്. ഈ സാഹചര്യം കണക്കിലെടുത്ത് ഐസൊലേഷന് വാര്ഡ് സജ്ജീകരിക്കുവാനായി സ്വന്തം വീട് വിട്ടുനല്കുമെന്ന് വാഗ്ദാനം ചെയ്തിരിക്കുകയാണ് സംവിധായകന് സോഹന് റോയ്. ത്രിശൂര് ജില്ലയിലെ ദേശമംഗലത്ത് സ്ഥിതി ചെയ്യുന്ന വീടാണ് അദ്ദേഹം ഐസൊലേഷന് വാര്ഡിനായി വിട്ടു നല്കിയിരിക്കുന്നത്.
തന്റെ അന്പത്തിമൂന്നാം ജന്മദിനത്തിന് ലഭിച്ച ആശംസകള്ക്ക് നന്ദി പ്രകാശിപ്പിക്കുന്നതിനിടയിലാണ് ഈ വിവരം അദ്ദേഹം പങ്കു വച്ചത്. ” ഈ വിശേഷാവസരത്തില് ആരെയും ക്ഷണിക്കാനോ ആഘോഷിക്കാനോ കഴിഞ്ഞില്ല, പക്ഷെ നാട്ടിലെ വീട് ഇത്തരമൊരു മഹത്തായ കാര്യത്തിന് വിട്ടുനല്കാന് തീരുമാനിച്ചപ്പോള് ജന്മദിന സന്തോഷം ഇരട്ടിയായി ” സോഹന് പറഞ്ഞു.
നേരത്തേ കേരളത്തിലെ ആരോഗ്യ രംഗത്തെ പ്രതിസന്ധികള് കണക്കിലെടുത്ത് പത്ത് ജില്ലകള്ക്ക് ഓരോ വെന്റിലേറ്ററുകള് വീതം സംഭാവന നല്കുമെന്നും , ഒപ്പം ലോക്ക് ഡൗണ് സമയത്ത് കനത്ത പ്രതിസന്ധി നേരിടുന്ന രണ്ടായിരം കുടുംബങ്ങള്ക്ക് സ്വന്തം ജീവനക്കാര് വഴി സഹായമെത്തിക്കുമെന്നും അദ്ദേഹം വാഗ്ദാനം ചെയ്തിരുന്നു.