ദിലീപ് നായകനായി എത്തിയ പൊളിറ്റിക്കല് ത്രില്ലര് രാമലീല തെലുങ്കിലേക്ക് റീമെയ്ക്ക് ചെയ്യുന്നതായി റിപ്പോര്ട്ടുകള്. തെലുങ്ക് താരം കല്യാണ് റാം ആണ് തെലുങ്കിലേക്ക് റീമെയ്ക്ക് ചെയ്യാനുള്ള താല്പര്യം പ്രകടിപ്പിച്ച് എത്തിയിരിക്കുന്നത്.
പൊളിറ്റിക്കല് ത്രില്ലറായതിനാല് കേരളത്തിലേത് എന്ന പോലെ തന്നെ തെലുങ്കിലും സ്വീകരിക്കപ്പെടുമെന്നാണ് അവര് വിശ്വസിക്കുന്നത്. കല്യാണ് റാമിന്റെ സുഹൃത്തുക്കള്ക്കളായ മറ്റ് സംവിധായകര്ക്കും നിര്മ്മാതാക്കള്ക്കുമായി പ്രത്യേക പ്രദര്ശനവും സംഘടിപ്പിച്ചിട്ടുണ്ടായിരുന്നു.
അതേസമയം, ചിത്രം തെലുങ്കിലേക്ക് റീമെയ്ക്ക് ചെയ്യുന്നത് സംബന്ധിച്ച് ഔദ്യോഗിക അറിയിപ്പുകള് ഇതുവരെ വന്നിട്ടില്ല. പ്രാഥമികമായ ചര്ച്ചകള് പുരോഗമിക്കുന്നുണ്ടെന്നാണ് വിവരം.
ദിലീപ് നായകനായി അരുണ് ഗോപി സംവിധാനം ചെയ്ത ചിത്രം നിര്മ്മിച്ചത് മുളകുപാടം ഫിലിംസിന്റെ ബാനറില് ടോമിച്ചന് മുളകുപാടമായിരുന്നു. പ്രയാഗാ മാര്ട്ടിന് നായികയായി എത്തിയ ചിത്രത്തില് സിദ്ധിഖാണ് വില്ലന് വേഷത്തിലെത്തിയത്.