ഫിലിം ചേംബറിന് മുന്നില് ഒറ്റയാള് സമരവുമായി ധ്യാന് ശ്രീനിവാസന് നായകനാകുന്ന ‘ജയിലര്’ ചിത്രത്തിന്റെ സംവിധായകന് സക്കീര് മഠത്തില്. പേര് വിവാദത്തില്പെട്ട തന്റെ ചിത്രത്തിന് തിയേറ്ററുകള് നല്കിയില്ല എന്ന് ആരോപിച്ചാണ് സമരം. തമിഴ് സിനിമ വന്നപ്പോള് മലയാളത്തെ അവഗണിക്കുന്നു എന്നാണ് സംവിധായകന് പറയുന്നത്.
മലയാള സിനിമയെ സംരക്ഷിക്കുക, ജയിലര് സിനിമയ്ക്ക് തിയേറ്റര് അനുവദിക്കുക എന്നീ മുദ്രാവാക്യങ്ങള് എഴുതിയ പ്ലക്കാര്ഡും പിടിച്ചായിരുന്നു സംവിധായകന്റെ പ്രതിഷേധം. രജനികാന്ത് ചിത്രം ‘ജയിലറി’ന്റെ ടീസറും ഗാനവും എത്തിയതിന് പിന്നാലെയാണ് തങ്ങള് നേരത്തെ രജിസ്റ്റര് ചെയ്ത പേരായിരുന്നു ജയിലര് എന്ന് പറഞ്ഞു കൊണ്ട് സക്കീര് മഠത്തില് രംഗത്തെത്തിയത്.
സിനിമയുടെ പേര് മാറ്റണമെന്നാവശ്യപ്പെട്ട് സണ് പിക്ചേഴ്സിന് കത്ത് അയച്ചിരുന്നു. എന്നാല് ജയിലറിന്റെ നിര്മ്മാതാക്കള് അത് സമ്മതിച്ചില്ല. തങ്ങള് കോര്പ്പറേറ്റ് കമ്പനി ആയതിനാല് പേര് മാറ്റാന് പറ്റില്ല എന്നാണ് സണ് പിക്ചേഴ്സ് പ്രതികരിച്ചത് എന്നാണ് സംവിധായകന് പ്രസ് മീറ്റില് പറഞ്ഞത്.
ഓഗസ്റ്റ് 10ന് ആണ് രണ്ട് ജയിലറും റിലീസിനൊരുങ്ങന്നത്. രജനികാന്ത്, മോഹന്ലാല് എന്നിലര് അഭിനയിക്കുന്ന ജയിലര് ഇവിടെ റിലീസായി കഴിഞ്ഞാല് മറ്റൊരു ജയിലറിന് പ്രസക്തിയുണ്ടെന്ന് കരുതുന്നില്ല എന്നാണ് സക്കീര് മഠത്തില് പറയുന്നത്.