ചേട്ടന് സംവിധാനം ചെയ്യുന്ന ചിത്രത്തിന് ഡബ്ബ് ചെയ്യാന് ഓട്ടോ വിളിച്ചെത്തി അനിയന് ധ്യാന് ശ്രീനിവാസന്. വിനീത് ശ്രീനിവാസന് ഒരുക്കുന്ന ‘വര്ഷങ്ങള്ക്ക് ശേഷം’ സിനിമയുടെ ഡബ്ബിംഗിനായി ഓട്ടോറിക്ഷയില് എത്തുന്ന ധ്യാനിന്റെ വീഡിയോയാണ് ഇപ്പോള് ശ്രദ്ധ നേടുന്നത്. വിനീത് ആണ് ഈ വീഡിയോ പങ്കുവച്ചിരിക്കുന്നത്.
പ്രിന്റഡ് ഷര്ട്ടും ഷോര്ട്സും ധരിച്ച് സിംപിള് ലുക്കിലാണ് ധ്യാന് എത്തിയത്. ഓട്ടോക്കൂലി നല്കാന് ധ്യാന് ഡ്രൈവറോട് ഫോണ് നമ്പര് ചോദിക്കുന്നതും വീഡിയോയില് കാണാം. അതേസമയം, നംവബറില് ആയിരുന്നു ചിത്രത്തിന്റെ ഷൂട്ടിംഗ് പൂര്ത്തിയായത്. ഒക്ടോബര് 27ന് ആയിരുന്നു ചിത്രീകരണം തുടങ്ങിയത്.
വിനീത് ശ്രീനിവാസന് 23 ദിവസങ്ങള് കൊണ്ടാണ് വര്ഷങ്ങള്ക്ക് ശേഷത്തിന്റെ ആദ്യ ഷെഡ്യൂള് പൂര്ത്തിയാക്കിയത്. പ്രണവ് മോഹന്ലാലും കല്യാണി പ്രിയദര്ശനുമാണ് ചിത്രത്തില് കേന്ദ്ര കഥാപാത്രങ്ങളാകുന്നത്. ഈ സിനിമയ്ക്കായാണ് ധ്യാന് ശ്രീനിവാസന് വണ്ണം കുറച്ച് മേക്കോവറില് എത്തിയത്.
നിവിന് പോളി, കല്യാണി പ്രിയദര്ശന്, ബേസില് ജോസഫ്, നീരജ് മാധവ്, നിത പിള്ള, അര്ജുന് ലാല്, നിഖില് നായര്, അജു വര്ഗീസ് എന്നിങ്ങനെ ഒട്ടേറെ താരങ്ങള് എത്തുമ്പോള് വിനീത് ശ്രീനിവാസനും ചിത്രത്തില് അഭിനയിക്കും. മേരിലാന്റ് സിനിമാസിന്റെ ബാനറില് വൈശാഖ് സുബ്രഹ്മണ്യമാണ് ചിത്രം നിര്മ്മിക്കുന്നത്.
അമൃത് രാംനാഥാണ് സംഗീതം. എന്തായിരിക്കും പ്രമേയം എന്ന് വെളിപ്പെടുത്തിയിട്ടില്ല. വിനീത് ശ്രീനിവാസന്റെ സംവിധാനത്തില് പ്രണവ് ആദ്യമായി നായകനായത് ഹൃദയത്തിലായിരുന്നു. ഹൃദയം എന്ന ഹിറ്റ് ചിത്രത്തിന് ശേഷം വിനീത് ശ്രീനിവാസനും പ്രണവ് മോഹന്ലാലും ഒന്നിക്കുമ്പോള് പ്രേക്ഷകര്ക്ക് വലിയ പ്രതീക്ഷകളാണ്.