പുതുവര്ഷത്തെ ആവേശത്തിലാഴ്ത്താന് ഒമര് ലുലു ചിത്രം ധമാക്ക ജനുവരി രണ്ടിന് എത്തുകയാണ്. ഇപ്പോഴിതാ ചിത്രത്തിന്റെ ട്രെയിലര് പുറത്തുവിട്ടിരിക്കുകയാണ് അണിയറപ്രവര്ത്തകര്. നൂറിന്റെ കിടിലന് ഡാന്സും മുകേഷിന്റെ നര്മ്മരംഗങ്ങളും ട്രെയിലറിന്റെ മുതല്ക്കൂട്ടാണ്.റിലീസ് ചെയ്ത് അല്പ്പസമയത്തിനുള്ളില് തന്നെ ട്രെയിലറിന് മികച്ച പ്രതികരണമാണ് ലഭിക്കുന്നത്.
എം കെ നാസര് നിര്മ്മിക്കുന്ന ചിത്രത്തിന് തിരക്കഥ ഒരുക്കുന്നത് നവാഗതരായ വേണു.ഓ.വി, കിരണ് ലാല് എന്നിവരാണ്. യുവാക്കള്ക്കും കുടുംബപ്രേക്ഷകര്ക്കും ഒരുപോലെ ആസ്വദിക്കാവുന്ന ഒരു “കളര്ഫുള് കോമഡി എന്റര്ട്ടൈനര്” തന്നെയായിരിക്കും ധമാക്കയും എന്നാണ് ഒമര് ലുലു ഉറപ്പുനല്കിയിരിക്കുന്നത്. ബാലതാരമായി മലയാളസിനിമയിലേക്ക് കടന്നു വന്ന “അരുണ് കുമാര്” ആദ്യമായി നായക വേഷം ചെയ്യുന്ന ചിത്രം എന്ന നിലയിലും ധമാക്ക ശ്രദ്ധേയമാണ്. ചിത്രത്തിനായി ഗോപി സുന്ദര് ഒരുക്കിയ ഗാനങ്ങള് ഹിറ്റ് ചാര്ട്ടില് ഇടംനേടികഴിഞ്ഞു.
അന്ധവിശ്വാസങ്ങള് കൊടികുത്തിവാഴുന്ന സിനിമാമേഖലയില്, ഈ വിശ്വാസത്തെ തകര്ക്കാന് “ധമാക്ക”യ്ക്ക് കഴിയുമോ എന്നറിയാന് ജനുവരി 2 വരെ കാത്തിരിക്കാം.