രമേശ് അമാനത്ത് സംവിധാനം ചെയ്ത ചൂളം എന്ന ചിത്രം ഈ മാസം 18 -ന് പ്രദര്‍ശനത്തിനെത്തും. ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നത് സംവിധായകന്‍ എം.എ നിഷാദാണ്. ചിത്രത്തില്‍ കണ്ണന്‍ നായര്‍ എന്ന പൊലീസ് കഥാപാത്രത്തെയാണ് നിഷാദ് അവതരിപ്പിക്കുക. ഈ കഥാപാത്രത്തെ അവതരിപ്പിക്കാന്‍ കഴിഞ്ഞതില്‍ സന്തോഷമുണ്ടെന്ന് നിഷാദ് ഫെയ്‌സ്ബുക്കില്‍ കുറിച്ചു.
നാല് സംവിധായകര്‍ ചെയ്ത “ലെസ്സന്‍സ്” എന്ന് നാമകരണം ചെയ്ത ആന്തോളജി സിനിമയിലെ ചിത്രമാണ് “ചൂളം”. മാലാ പാര്‍വതി, കൊച്ചുപ്രേമന്‍, അനില്‍ നെടുമങ്ങാട് എന്നിവരാണ് ചിത്രത്തിലെ മറ്റ് പ്രധാന താരങ്ങള്‍.
തെളിവാണ് എം.എ നിഷാദിന്‍രെ സംവിധാനത്തില്‍ പുറത്തിറങ്ങാനൊരുങ്ങുന്ന പുതിയ ചിത്രം. ചെറിയാന്‍ കല്‍പ്പകവാടി തിരക്കഥയൊരുക്കിയ ചിത്രം ഒരു കുറ്റാന്വേഷണത്തിന്റെ ഉദ്വേഗജനകമായ വഴികളിലൂടെയാണ് കടന്നുപോകുന്നത്. ഒറ്റയ്ക്ക് ജീവിക്കുന്ന ഒരു സ്ത്രീ സമൂഹത്തില്‍ നേരിടുന്ന കഠിനമായ പരീക്ഷണങ്ങളും അതിജീവനത്തിനായി നടത്തേണ്ടിവരുന്ന പോരാട്ടങ്ങളും സിനിമയില്‍ പ്രമേയമാകുന്നുണ്ട്. ആശാ ശരത്ത്, ലാല്‍, രഞ്ജി പണിക്കര്‍, നെടുമുടി വേണു, സയിദ് മൊഹസിന്‍ ഖാന്‍, മണിയന്‍പിള്ള രാജു, രാജേഷ് ശര്‍മ തുടങ്ങിയവര്‍ അഭിനയിക്കുന്നു. ഇഥിക പ്രൊഡക്ഷന്‍സിന്റെ ബാനറില്‍ പ്രേംകുമാറാണ് ചിത്രം നിര്‍മ്മിച്ചിരിക്കുന്നത്. ഒക്‌റ്റോബര്‍ 18ന് തിയേറ്ററുകളിലെത്തും.