പന്നൈയാരും പദ്മിനിയും, ചിറ്റാ എന്നീ ചിത്രങ്ങൾക്ക് ശേഷം എസ്. യു അരുൺ കുമാർ സംവിധാനം ചെയ്യുന്ന ഏറ്റവും പുതിയ ചിത്രത്തിന്റെ അനൗൺസ്മെന്റ് വീഡിയോ പുറത്ത്. വിക്രമാണ് ചിത്രത്തിൽ നായകനായെത്തുന്നത്.
വിക്രമിന്റെ 62-മത് സിനിമയ്ക്ക് ‘ചിയാൻ 62’ എന്നാണ് ടാഗ് ലൈൻ കൊടുത്തിരിക്കുന്നത്. ജി. വി പ്രകാശ്കുമാർ സംഗീതം നിർവഹിക്കുന്ന ചിത്രം റിയ ഷിബു ആണ് നിർമ്മിക്കുന്നത്.
രണ്ട് ദിവസങ്ങൾ കൊണ്ട് മൂന്ന് ഗംഭീര പ്രോജക്ടുകളുടെ അപ്ഡേറ്റാണ് വിക്രമിന്റെതായി വന്നിരിക്കുന്നത്. ഗൌതം വാസുദേവ മേനോൻ സംവിധാനം ചെയ്യുന്ന ‘ധ്രുവനച്ചത്തിരം’, പാ രഞ്ജിത്ത് ഒരുക്കുന്ന ;തങ്കലാൻ’ ഇപ്പോഴിതാ ‘ചിയാൻ 62’.
ഒരു പൊലീസ് സ്റ്റേഷനിൽ കയറി രണ്ടുപേരെ മർദ്ദിക്കുന്നതും അതുമായി ബന്ധപ്പെട്ട സംഭവവികാസങ്ങളുമാണ് അനൗൺസ്മെന്റ് വീഡിയോയിൽ ഉള്ളത്.