അന്തരിച്ച നടന് ചിരഞ്ജീവി സര്ജയുടെ സഹോദരനും നടനുമായ ധ്രുവ സര്ജയ്ക്കും ഭാര്യ പ്രേരണ ശങ്കറിനും കോവിഡ് 19 സ്ഥിരീകരിച്ചു. ട്വിറ്ററിലൂടെയാണ് ഇക്കാര്യം ധ്രുവ അറിയിച്ചിരിക്കുന്നത്. നേരിയ ലക്ഷണങ്ങളെ കണ്ടതിനെ തുടര്ന്ന് ആശുപത്രിയില് പ്രവേശിപ്പിക്കാന് തീരുമാനിച്ചതായും ധ്രുവ ട്വീറ്റ് ചെയ്തു.
“”എനിക്കും ഭാര്യയ്ക്കും കോവിഡ് 19 പോസിറ്റീവാണെന്ന് സ്ഥിരീകരിച്ചു. നേരിയ ലക്ഷണങ്ങളെ തുടര്ന്നാണ് ആശുപത്രിയില് പ്രവേശിപ്പിച്ചത്. ഞങ്ങള് സുഖം പ്രാപിച്ച് ഉടന് തന്നെ തിരിച്ചു വരും. ഞങ്ങളുമായി അടുത്തിടപഴകിയ എല്ലാവരും ടെസ്റ്റ് ചെയ്ത് സുരക്ഷിതരായി തുടരുക”” എന്നാണ് ധ്രുവയുടെ ട്വീറ്റ്.
ജൂണ് 7-ന് ആണ് നടി മേഘ്ന രാജിന്റെ ഭര്ത്താവും കന്നഡ നടനുമായ ചിരഞ്ജീവി സര്ജ ഹൃദയാഘാതത്തെ തുടര്ന്ന് മരിച്ചത്. ചിരഞ്ജീവിയുടെ ഓര്മ്മകള് മേഘ്നയും ധ്രുവയും സോഷ്യല് മീഡിയയില് പങ്കുവയ്ക്കാറുണ്ട്.
കന്നഡയിലെ സൂപ്പര് താരമായ ധ്രുവ നടന് അര്ജുന് സര്ജയുടെ ബന്ധുവാണ്. അധൂരി, ബഹദുര്, ബര്ജാരി, പ്രേമ ബരാഹ എന്നിവയാണ് ധ്രുവ വേഷമിട്ട സിനിമകള്. രശ്മിക മന്ദാന നായികയാകുന്ന പൊഗരു ആണ് റിലീസിനൊരുങ്ങുന്ന ചിത്രം.