പൃഥ്വിരാജിന്റെ സംവിധാനത്തില് ഒരുങ്ങിയ ‘ബ്രോ ഡാഡി’ ഏറ്റെടുത്ത് പ്രേക്ഷകര്. മികച്ച പ്രതികരണമാണ് ചിത്രത്തിന് ലഭിക്കുന്നത്. മോഹന്ലാല്-പൃഥ്വിരാജ്-ലാലു അലക്സ് എന്നിവരുടെ അഭിനയപ്രകടനം തന്നെയാണ് പ്രധാന ആകര്ഷണം.
പൃഥ്വിരാജില് നിന്നും പ്രേക്ഷകര് പ്രതീക്ഷിക്കുന്നത് എന്തെന്ന് അദ്ദേഹത്തിനറിയാം, മോഹന്ലാല് അടിപൊളി, സെക്കന്റ് ഹാഫ് ലാലു അലക്സിന്റെ വിളയാട്ടം, അന്ന എന്ന കഥാപാത്രമായി എത്തിയ കല്യാണി പ്രിയദര്ശനും അരങ്ങു തകര്ക്കുയാണെന്ന് പ്രേക്ഷകര് പറയുന്നു.
ലൂസിഫറിന് ശേഷം മോഹന്ലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ചിത്രമാണ് ബ്രോ ഡാഡി. അച്ഛനും മകനുമായാണ് മോഹന്ലാലും പൃഥ്വിരാജും വേഷമിട്ടത് എന്നത് തന്നെയാണ് ചിത്രത്തിന്റെ ഹൈലൈറ്റ്. ശ്രീജിത്ത് എന്, ബിബിന് മാളിയേക്കല് എന്നിവരുടേതാണ് തിരക്കഥ.
കല്യാണി പ്രിയദര്ശന്, ഉണ്ണി മുകുന്ദന്, സൗബിന് ഷാഹിര്, ജാഫര് ഇടുക്കി, ലാലു അലക്സ്, ജഗദീഷ്, മീന, നിഖില വിമല്, കനിഹ, കാവ്യ എം ഷെട്ടി, മല്ലിക സുകുമാരന് തുടങ്ങിയവരാണ് മറ്റു താരങ്ങള്. അഭിനന്ദന് രാമാനുജം ആണ് ചിത്രത്തിന്റെ ഛായഗ്രാഹകന്.
ദീപക് ദേവ് ആണ് സംഗീത സംവിധാനം. ആന്റണി പെരുമ്പാവൂരാണ് ചിത്രം നിര്മിക്കുന്നത്. സിദ്ധു പനയ്ക്കല് ആണ് പ്രൊഡക്ഷന് കണ്ട്രോളര്. ഇത് ഒരു കോമഡി ചിത്രമായിരിക്കുമെന്ന് പൃഥ്വിരാജ് നേരത്തെ പറഞ്ഞിരുന്നു.