എസ്ര ചിത്രത്തിലൂടെ എത്തി ഇഷ്ക് എന്ന ചിത്രത്തിലൂടെ പ്രേക്ഷക മനസ്സില് സ്ഥാനം നേടിയ നടിയാണ് ആന് ശീതള്. മോളിവുഡില് മാത്രമല്ല കോളിവുഡിലും ആന് ഇതിനോടകം തന്നെ ചുവട് വെച്ചു കഴിഞ്ഞു. ഭരത് നായകനാകുന്ന കാളിദാസ് എന്ന ചിത്രമാണ് ആനിന്റ കന്നി തമിഴ് ചിത്രം.
ചിത്രത്തിന്റെ ട്രെയിലര് പുറത്തിറങ്ങി. ശ്രീ സെന്തില് സംവിധാനം ചെയ്യുന്ന ചിത്രത്തില് പൊലീസ് വേഷത്തിലാണ് ഭരത് എത്തുന്നത്. ആദവും പ്രധാന വേഷത്തിലുണ്ട്. ത്രില്ലര് സ്വഭാവത്തിലുള്ള ഒരു ഇന്വെസ്റ്റിഗേഷന് സ്റ്റോറിയാണ് കാളിദാസ് എന്നാണ് ട്രെയിലര് നല്കുന്ന സൂചന.
മികച്ച സ്വീകാര്യതയാണ് ട്രെയിലറിന് ലഭിച്ചു കൊണ്ടിരിക്കുന്നത്. പുറത്തിറങ്ങി മൂന്നു ദിനം പിന്നിടുമ്പോള് ട്രെയിലറിന് നാല് ലക്ഷത്തിനടുത്ത് കാഴ്ച്ചക്കാരുണ്ട്.