വയനാട്ടില് നിന്നും ‘അശ്വമേധം’ പരിപാടിയില് പങ്കെടുക്കാന് എത്തിയ ഒരു പതിനാലുകാരന്. കൈരളി ചാനലില് വര്ഷങ്ങള്ക്ക് മുമ്പെത്തിയ അശ്വമേധത്തിന്റെ വീഡിയോ വീണ്ടും വൈറലായിരിക്കുകയാണ്. പരിപാടിയില് പങ്കെടുത്ത പയ്യന് മലയാളി പ്രേക്ഷകരുടെ പ്രിയപ്പെട്ട സംവിധായകനും നടനുമാണ്. ബേസില് ജോസഫിന്റെ ത്രോബാക്ക് വീഡിയോ സോഷ്യല് മീഡിയ ഏറ്റെടുത്തിരിക്കുകയാണ് ഇപ്പോള്.
ബേസില് ജോസഫ് മനസില് കരുതിയ വ്യക്തിയുടെ പേര് കണ്ടെത്താന് അശ്വമേധം പരിപാടിയുടെ അവതാരകനായ ജി എസ് പ്രദീപിന് പതിനേഴ് ചോദ്യങ്ങള് ചോദിക്കേണ്ടി വന്നു. അത്ര എളുപ്പത്തില് ഉത്തരം പറയാന് കുട്ടി ബേസില് തയാറായില്ല. പത്ത് ചോദ്യങ്ങളുടെ യജ്ഞം റൗണ്ട് കഴിഞ്ഞും ബേസില് ജോസഫിന്റെ മനസില് ഉള്ളത് ആരെന്ന് കണ്ടെത്താനാവാതെ അവതാരകന് മുന്നോട്ട് പോയി.
പ്രശസ്ത നര്ത്തകന് ഉദയ് ശങ്കര് ജി ആണ് ബേസില് മനസില് കരുതിയ വ്യക്തിയെന്ന് അവസാനം പ്രദീപ് കണ്ടെത്തുകയും ചെയ്തു. പ്രൊഡക്ഷന് കണ്ട്രോളറും നിര്മ്മാതാവുമായ എന്എം ബാദുഷ അടക്കമുള്ളവര് വീഡിയോ പങ്കുവച്ചിട്ടുണ്ട്. ബേസിലിന്റെ അടുത്ത സുഹൃത്തായ നടന് ടൊവിനോ തോമസ് ഈ വീഡിയോക്ക് എന്ത് പ്രതികരണമാവും നല്കുക എന്നതിന് കാത്തിരിക്കുകയാണ് ആരാധകര്.
‘ടോവിനോക്ക് ഒരാഴ്ചത്തേക്ക് ഉള്ളതായി. ബേസിലെ, നീ തീര്ന്നെടാ’, ‘ഇനി ബേസില് കുറച്ചുനാള് ബഹിരാകാശത്തു ആണ് താമസം’, ‘ലെ ടിനോവ: മുടിയില് എണ്ണ വാരി തേച്ചാ പിടി കിട്ടില്ലെന്ന് കരുതിയോടാ ബേസിലേ’, ‘ഇതിന് പിന്നില് ടിനോവയുടെ കറുത്ത കൈകള് ആണോ എന്ന് ഒരു സംശയം’ എന്നിങ്ങനെയാണ് വീഡിയോക്ക് താഴെ എത്തുന്ന ചില കമന്റുകള്.