സൂപ്പര് സ്റ്റാര് എന്ന് വിളിച്ച് സ്വാഗതം ചെയ്തതില് സ്റ്റേജിലേക്ക് കയറാതെ പ്രതിഷേധിച്ച് നടന് ബൈജു. ‘സൂപ്പര് സ്റ്റാര്’ എന്ന വിശേഷണം മാറ്റി പറഞ്ഞാല് മാത്രമേ താന് വേദിയിലേക്കു വരൂ എന്ന് ബൈജു പറയുന്ന വീഡിയോയാണ് സോഷ്യല് മീഡിയയില് വൈറലാകുന്നത്. ‘നുണക്കുഴി’ എന്ന സിനിമയുടെ സക്സസ് ഇവന്റിലാണ് ഈ സംഭവം.
സൂപ്പര് സ്റ്റാര് ബൈജു എന്ന് സംബോധന ചെയ്തു തന്നെ വേദിയിലേക്ക് ക്ഷണിച്ച അവതാരകയോട് അപ്പോള് തന്നെ തന്റെ പ്രതിഷേധം ബൈജു അറിയിക്കുകയായിരുന്നു. ‘അവരോട് തിരുത്തി പറയാന് പറ’ എന്ന് ബൈജു പറയുന്നതും വീഡിയോയില് കേള്ക്കാം.
പിന്നീട് അവതാരക ക്ഷമ ചോദിച്ചതിന് ശേഷം ‘ഞാന് അങ്ങയെ കുഞ്ഞുന്നാള് മുതല് കാണുന്നതാണ് എനിക്ക് അങ്ങ് സൂപ്പര്സ്റ്റാര് ആണ്’ എന്നു പറഞ്ഞുകൊണ്ട് വേദിയിലേക്ക് ക്ഷണിക്കുകയായിരുന്നു. ഉടന് തന്നെ സീറ്റില് നിന്ന് എഴുന്നേറ്റ് ബൈജു വേദിയില് എത്തുകയായിരുന്നു.
അതേസമയം, ഓഗസ്റ്റ് 15ന് ആണ് നുണക്കുഴി റിലീസ് ചെയ്തത്. ജീത്തു ജോസഫിന്റെ സംവിധാനത്തില് ബേസില് ജോസഫ് നായകനായെത്തിയ ചിത്രത്തില് സബ് ഇന്സ്പെക്ടര് ആയാണ് ബൈജു വേഷമിട്ടത്. ഗ്രേസ് ആന്റണി, സിദ്ദിഖ്, നിഖില വിമല്, അജു വര്ഗീസ്, മനോജ് കെ ജയന്, സൈജു കുറുപ്പ് എന്നിവരാണ് ചിത്രത്തിലെ മറ്റ് താരങ്ങള്.